வீடியோக்கள் வலையேற்றப்பட்டன, நன்றி வீரமாமுனிவருக்கு!

ஏற்கனவே போன நேர்காணலுக்கான வீடியோக்களை வலையேற்றிய அனுபவம் இருந்ததால் இம்முறை அவ்வளவு கடினமாக இராது என நினைத்தேன். ஆனால் என்ன அக்கிரமம்? dat-லிருந்து எம்பெக் வடிவுக்கு மாற்ற நான் முன்பு கண்டுணர்ந்த நிரல் எக்ஸ் வீடியோ கன்வர்டர் (X video converter) நிறுவ முயன்றால் அட்வாட்ச் (Adwatch of Adaware) இந்த நிரலில் Worm32 sbot இருப்பதாக கூறி அதை திறக்க அனுமதி மறுத்தது. இது என்னடா கிணறு வெட்ட பூதம் கிளம்பியது எனப் பார்த்து, அந்த நிரலை அனின்ஸ்டால் செய்து கோப்பையே மொத்தமாக வன்தகட்டிலிருந்து அழித்து எறிந்தேன். மறுபடியும் கூகளுக்கு போனால் ஒன்றும் சரியாக அமையவில்லை. அப்போதுதான் பதிவர் பிரதாப் பெஸ்கி (எவனோ ஒருவன்) உதவிக்கு வந்தார். அவருக்கு என் மனமார்ந்த நன்றிகள்.

அவர் ஒரு வீடியோ மாற்றியின் ஜிப் செய்த கோப்பு ஒன்றை அனுப்பினார். அது rar-ல் இருந்ததால் என்னால் அதை திறக்க இயலவில்லை. ஆகவே மறுபடி அன்புடன் winzip-ல் கோப்பை அனுப்பினார். ஆக முதல் ஸ்டெப் ஓவர்.

மொத்த டேப் 35 நிமிடத்துக்கு மேல் இருந்ததால் அதை நான்காக உடைக்க வேண்டியிருந்தது. இரண்டு மூன்று மென்பொருட்களை ஒன்றன் பின்றாக பார்த்து தரவிறக்கி எல்லாம் செய்த பிறகு பார்த்தால் 30% மட்டும்தான் கன்வெர்ட் செய்ய முடியும், தேவையானால் விலை கொடுத்து வாங்கு என கூறப்பட்டது. முதலிலேயே தெரிந்திருந்தால் தரவிறக்கியிருக்கவே மாட்டேனே நாயே என அவன்களை திட்டி விட்டு, கடைசியில் Free Video Cutter என்னும் மென்பொருளை கண்டுபிடித்து தரவிறக்கி, வீடியோக்களை நான்காக பிரித்தேன். நான்கையும் யூ ட்யூப்பில் எனது பக்கத்துக்கு சென்று அப்லோட் செய்ய ஆணை கொடுத்தேன். பல மணி நேரம் பிடிக்கும் ஆப்பரேஷன். காலை ஒன்பதரை மணியளவில் ஆரம்பித்தது.

போன முறை மாதிரி ஸ்க்ரீனுக்கு நடுவே “unregistered" வராது என்பதில் ஒரு நிம்மதி. ஆனால் அத்துடன் பிரச்சினைகள் தீரவில்லையே. முதல் பாகம் வலையேற்ற தேவைப்பட்ட நேரம் மூன்றரை மணிகளுக்கும் அதிகம். ஒரு மணி நேரத்தில் இணைய இணைப்பு போனதில் அதுவரை அப்லோட் செய்தது வேஸ்ட் ஆகிப்போயிற்று. இரண்டரை மணி நேரத்தில் இன்னொரு தடங்கல் இணைப்பில் ஆக அதுவும் வேஸ்ட். நமக்கு வேறு பொறுமை இல்லையாதலால் அவ்வப்போது எதையாவது நோண்டி பார்க்க மறுபடி முதலிலிருந்தே ஆரம்பிக்க வேண்டியிருந்தது. கடைசியாக விடாமுயற்சி பிற்பகல் மூன்றுக்கு மேல் தொடங்கி மாலை 7 மணியளவில் முடிந்தது. அதுவும் முதல் பாகம் மட்டுமே. இப்போது இரண்டாம் பாகம் வலையேற்பு நடக்கிறது. இரவு 11 மணி வரை இதுவே எடுக்கும். அதற்குள் மின்சாரம் போகாது இருக்க வேண்டும். இணையத் தொடர்பு சொதப்பாமல் இருக்க வேண்டும்.

அதுவும் முதல் பகுதியை வலையேற்றும் கடைசி முயற்சியின்போது பொறுமையை இழந்து அவ்வப்போது அப்லோடிங் பக்கத்தை பார்த்து ஏதேனும் நோண்டி ஆப்பு வைத்து கொள்ளாமல் இருக்க ஒரு டிஸ்ட்ராக்சன் தேவைப்பட்டத்து. அதற்கு துணையாக நான் தேர்ந்தெடுத்தவைதான் நண்பர் ஜீவியின் பதிவுகள். ஆரம்பத்திலிருந்து ஒன்றன் பின் ஒன்றாக லேட்டஸ்ட் வரை சுட்டி பார்த்ததில் நேரம் போனதே தெரியவில்லை. அப்லோடிங்கும் முடிந்து இங்கு சுட்டியும் தர முடிந்தது. ஆக ஸ்பெஷல் நன்றிகள் அவருக்கும்.
முதல் பகுதி கீழே எம்பெட் செய்யப்பட்டுள்ளது.



பயந்தது போலவே இரண்டாம் பகுதியின் மேலேற்ற முடிய 44 நிமிடங்கள் இருந்த போது ஓரிரு நிமிடங்களுக்கு பவர் நின்று போனதில் அதுவும் கோவிந்தா. விடுவதாக இல்லை என்னும் முனைப்புடன் அதை மீண்டும் துவங்கி முடிகும்போது மணி விடியற்காலை 01.54.
இரண்டாம் பகுதி கீழே எம்பெட் செய்யப்பட்டுள்ளது.



விடியற்காலை ஐந்தரை மணியளவில் கண் விழித்து பார்த்தால் மூன்றாம் பகுதி அப்லோடிங் முடிந்து விட்டிருக்கிறது.
மூன்றாம் பகுதியை கீழே பார்க்கவும்.



காலை சரியாக 08.10-க்கு நான்காம் பகுதி வலையேற்றம் செய்யப்பட்டது. அது அடுத்த முப்பது நிமிடத்தில் எல்லா பிராசஸிங் வேலைகளும் முடிந்து சரியாகப் பார்க்கக் கிடைக்கும். இருப்பினும் சுட்டி இப்போதே வந்து விட்டது.
நான்காம் பகுதியை கீழே பார்க்கலாம்.



அப்பாடா ஏதோ எவரெஸ்டையே பிடித்த திருப்தி. ஆனால் ஒன்று. இரவில் தூங்கும் நேரத்தில் இம்மாதிரியான மெகா வலையேற்றங்களை வைத்து கொள்வதே சிறப்பு. இரவில் அப்லோடிங்கின் வேகம் அதிகரிக்கிறது. நாம் பாட்டுக்கு தூங்கப் போவதால் அருகில் அமர்ந்து ஏதேனும் விஷமம் செய்து கொண்டிராமல் நம்மையே நம்மிடமிருந்து காப்பாற்றுகிறது. சொன்னாலும் சொன்னேன், அனுபவித்தே சொன்னேன்.

ஒரு குறிப்பிட்ட பகுதியை பார்க்க ஹைப்பர் லிங்கில் வலது க்ளிக்கின் மூலம் புது ஜன்னலில் அதை திறக்கவும். டௌன்லோட் ஆக சற்று நேரம் ஆகும் ஆதலால் ஆரம்பித்த உடனேயே ப்ளேக்கு ஸ்டாப் போடவும். சற்று கணிசமான அளவு சேர்ந்ததும் ப்ளேயை ரிலீஸ் செய்யலாம். வீடியோவை தொடர்ச்சியாக பார்க்கலாம். இதே மாதிரி மீதி எல்லா 4 பகுதிகளுக்கும் செய்யலாம்.

இதில் பரமார்த்த குரு கதை எழுதிய வீரமாமுனிவர் எங்கிருந்து வந்தார் எனக் கேட்பவர்களுக்கு, அவரது பூர்வாஸ்ரம பெயர் பெஸ்கியாகும். நமது பதிவருக்கும் அவரது பெயரையே (அது அவரது தாத்தாவின் பெயராம்) வைத்துள்ளனர். பை தி வே அவர் தன்னை எனது பேரன் ரேஞ்சுக்கு நினைத்து கொண்டிருந்திருக்கிறார். பிறகு கஷ்டப்பட்டு எனது வயது அவரின் பெரியப்பா ஆவதற்கு மட்டுமே ஏற்றது (அப்படி என்னப்பா எனக்கு வயசாகி விட்டது) என அவரை ஒத்து கொள்ள செய்தேன். அவருக்கு மீண்டும் நன்றி.

அன்புடன்,
டோண்டு ராகவன்