சோனியா காந்தியின் பலமுகங்கள் பற்றி சுப்பிரமணியன் சுவாமியின் பேச்சுக்கள்

அன்னை மாதா தாயார் சோனியா காந்தி தான் பிரதமராகாமல் மன்மோகன் சிங்கை பிரதமராக்கியதை தியகத்தின் சிகரமாக கொண்டாடுபவர்கள் பலர். பொன்னியின் செல்வன் கதையில் ராஜராஜ சோழன் தன் சித்தப்பாவுக்கு அரியணையை விட்டுக் கொடுத்தது பற்றி கல்கி மனமுருக எழுதியிருப்பார். அந்த ரேஞ்சுக்கு சோனியா வைக்கப்பட்டார்.

ஆனால் உண்மையில் நடந்தது என்னவென்றால் அவரது இந்தியக் குடியுரிமை பல வழக்குகளுக்கு இடமளிப்பதாக அமைந்து விட்டது. அவர் இன்னும் தனது இத்தாலியக் குடியுரிமையைத் துறக்கவில்லை. இது பற்றி சுப்பிரமணியன் சுவாமி போன்ற சிலர் அப்போதைய குடியரசுத் தலைவர் அப்துல் கலாமுக்கு எடுத்துரைக்க அவர்தான் சோனியாவை பிரதமர் ஆகாமல் தடுத்ததாகவும், அதன் காரணமாகவே அவருக்கு இரண்டாம் டெர்ம் தரப்படவில்லை என்றும் அறியப்படுகிறது.

அது இருக்கட்டும், சோனியாவின் குடியுரிமை பற்றி சுவாமி சொல்வதை கீழே உள்ள வீடியோவில் பார்க்கலாம். சோனியாவின் குடியுரிமை எப்போது வேண்டுமானாலும் ரத்து செய்யப்படும் அபாயம் உண்டு.



கேஜிபி விஷயங்களை ரஷ்யா தோண்டி எடுத்த போது பல வெளிநாட்டுத் தலைவர்கள் பெயர்களும் வந்தன. அது சம்பந்தமாக சோனியா காந்தி, ராஜீவ் காந்தி ஆகியோர் பெயர்களும் கேஜிபியிடமிருந்து ரெகுலராக பணம் பெற்றுக் கொண்டவர்கள் பட்டியலில் வந்தன. அது பற்றி சுப்பிரமணியன் சுவாமி சொல்வது:



சோனியாவின் சகோதரிகள் செய்யும் கள்ளக்கடத்தல்கள் பற்றியும் சுவாமி கூறுகிறார்.



ஐயையோ ராஹுல் காந்தியின் குடியுரிமையும் கேள்விக்குரியதாகி விட்டது போலிருக்கே. அவர் எப்படி எதிர்கால பிரதமராக முடியும்? சுப்பிரமணியன் சுவாமி சொல்வதை பாருங்கள். அவரது குடியுரிமையும் எப்போது வேண்டுமானாலும் ரத்து செய்யப்படலாம் போலிருக்கே.



இதையெல்லாம் இப்போ ஏன் தோண்டி எடுக்கறே பெரிசு என கேட்கிறான் முரளி மனோகர். என்ன செய்வது ஸ்பெக்ட்ரமில் மன்மோகன் சிங்கால் சுதந்திரமாகச் செயல்படவிடாமல் தடுக்கும் காரணிகளில் இவையும் வந்து விட்டனவே ஆகவே அவற்றையும் பார்த்துவிட வேண்டியதுதான். சர்தார்ஜியை சுதந்திரமாக செயல்பட விடுவாங்கன்னு நினைக்கிறீங்களா?

அன்புடன்,
டோண்டு ராகவன்