11/03/2006

Recent ஹைப்பெர்லிங்க்

முந்திய ஹைப்பர்லிங்குகளுக்கு இப்பதிவைப் பார்க்கவும்.

I am refreshing another hyperlink. When I refreshed it last time, it had some existing comments and I was not sure that they would not be deleted in a straightforward changing of dates in the editing mode. Hence I reproduced this post along with comments replaced as one comment in the new comments box. I agree that it was clumsy of me. But now I know better. Over to the post being revived once more for the purpose of classification.

போன சனிக்கிழமை திருவல்லிக்கேணிக்கு சென்றிருந்தேன்.

"என்றென்றும் அன்புடன்" பாலா அவர்கள் வீட்டிற்கும் சென்றேன். என்னை வரவேற்று பேசிய அவர் தான் சமீபத்தில் தன் சித்தியின் மரணம் விஷயமாக பெங்களூர் சென்றிருந்ததாகக் கூறினார்.

நான் முதலில் சரியாகக் கவனிக்கவில்லை. அடுத்த முறை இப்பேச்சு வந்ததும் நான் மேல் விவரம் கேட்க, தன் சித்தி அவர் மருமானுடன் சில மாதங்கள் முன் வண்டியில் செல்லும் போது கீழே விழுந்துத் தலையில் அடிப்பட்டுக் கொண்டதாகவும் அதன் காரணமாகப் பிறகு காம்ப்ளிகேஷன்ஸ் வந்து அவர் மரணம் நிகழ்ந்தது என்றுக் கூறினார்.

உடனே என் மண்டைக்குள் வழக்கமான பல்ப் எரிய, அவர் சித்தியின் பெயர் வைதேகியா என்றுக் கேட்டேன். ஆச்சரியத்துடன் பாலா ஆம் என்றுக் கூற, அவருடையக் கணவர் தியாகுவா என்று கேட்டேன். பாலா மேலும் ஆச்சரியத்துடன் ஆமாம் என்றார். தியாகுவின் அண்ணா அண்ணா சந்தானம் என் ஷட்டகர் என்ற விஷயத்தைக் கூறினேன்.

பாலா உடனே தன் தாயிடம் சென்று இதைக் கூற அவர் பரபரப்பாக வெளியே வந்து என்னுடன் மேலே பேசினார். இது ஒரு சிறிய உலகம்தான்.

பாலாவுடனான என் பேச்சு அதுவரை என் வாழ்வில் வந்த ஹைப்பெர்லிங்குகளைப் பற்றி ஆரம்பித்தது. அவரும் தன் பங்குக்கு தன் வாழ்வில் வந்த ஒரு ஹைப்பெர் லிங்கைப் பற்றிக் கூறினார். Over to Bala for its description! (இது வரை அவர் அதைக் கூறவில்லை).

இது நடந்த சில மாதங்கள் கழித்து ரோசா வசந்துடன் சந்திப்பு நடந்தது. திடீரென மனிதர் ஒரு கேள்வி கேட்டாரே பார்க்கலாம். என் மச்சினியின் பெண்ணின் பெயரைக் கூறி அவர் எனக்கு என்ன ஆக வேண்டும் எனக் கேட்டார். அவள் எனக்கு மருமாள் என்று கூறி விட்டு விசாரித்தேன். அவள் கணவர் தனக்குத் தெரிந்தவர் என்று கூறினார். எல்லோரும் அப்போது டோக்கியோவில் இருந்திருக்கின்றனர். ரோசா வசந்தின் மனைவியின் பிறந்தகம் நங்கநல்லூரில் இருக்கிறது என்பதை தெரிந்து கொண்ட என் மருமாள் தன் மாமா ராகவன் அங்கு இருப்பதாகக் கூற, அவர் பெயர் டோண்டுவா என்று ரோசா கேட்க, என் மருமாள் ஆச்சரியத்தில் மயக்கம் போடாத குறை. ரோசாவிடம் அவருக்கும் ஹைப்பர் லிங்க்தான் வேலை செய்ததா என்று கேட்டேன். அவர் தந்த பதிலை அவரே இப்பதிவைப் பார்த்தால் பின்னூட்டமாகத் தரட்டும். ஆக, இந்த ஹைப்பர் லிங்க் என்பது ஒரு விசித்திர விஷயம்தான், எனக்கு மட்டும் அது நடக்கவில்லை, பலருக்கும் நடந்திருக்கிறது என்பது தெரிய வருகிறது.

அன்புடன்,
டோண்டு ராகவன்

4 comments:

dondu(#11168674346665545885) said...

There were 10 commentts in the old blog. They are being reproduced here as one. Here goes:
Start of comments:
I do not remember the 'HYPERLINK', I mentioned to you, that day????? Pl. give me a HINT!
# posted by பாலா : 1/21/2005 04:49:45 PM

Raghavan,
No need for any hint! I am able to recollect what I told you the other day!
enRenRum anbudan
BALA
# posted by பாலா : 1/21/2005 05:42:19 PM

Bala,

கண்டிப்பாக உங்கள் தம்பிதான் உங்கள் நினைவைப் புதிப்பித்திருக்க வேண்டும் என்று நினைக்கிறேன். என்ன சரியா? அன்று அவருடன் பேசிய போது அவரது நினைவுத்திறனைக் கவனித்தேன்.
உங்கள் சிறுவயது நினைவுகள் பகுதி - 6 பற்றிய என் பின்னூட்டத்தைப் பார்த்தீர்களா?
அன்புடன்,
டோண்டு ராகவன்
# posted by Dondu : 1/21/2005 06:29:23 PM

கதிரவன் என்பவர் ஹேலோஸ்கேனில் ஒரு பின்னூட்டம் கொடுத்துள்ளார். அதில் தேவையில்லாமல் ஜாதியைப் புகுத்தியிருக்கிறார். பாலாவும் நானும் ஒரே ஜாதி என்பதால்தான் ஹைப்பர் லிங்க் வந்தது என்று கூறுகிறார். அவருக்கான பதில் எங்கு நான் கொடுத்தது இதோ:

முதலில் என்னுடைய மற்ற ஹைப்பர்லிங்குகளைப் பாருங்கள். பிறகு கூறுங்கள். இதில் ஜாதி எங்கு வந்தது கதிரவரே? இன்னொன்று. பெரிய கமென்டுகளுக்காகவே ப்ளாக்கர் கமென்ட்கள் உள்ளன. அங்கு வாருங்கள். இம்மாதிரி துண்டு துண்டாகப் பதிவு செய்ய வேண்டியிராது.
அன்புடன்,
டோண்டு ராகவன்
# posted by Dondu : 1/21/2005 07:37:38 PM

To set the record straight, this is what Kadhiravan said in the beginning:
அய்யா டோண்டு,
உங்கள் அனுபவம் சுவாரசியமானது.
ஏற்கனவே வேறு வகையில் அறிமுகமானவரோடு தற்செயலாக வேறு ஒரு தொடர்பு பற்றி தெரிய வரும்போது அது - சில சமயம் இன்ப அதிர்ச்சியும்
இதை "இது ஒரு சிறிய உலகம்" என எழுதியுள்ளீர்களே.....
உங்களுக்கு உலகமே சாதி மட்டும்தானா?
வேறு சாதிக்கார நண்பர்கள் யாருடைய சித்தி மரணம் பற்றி கூறியிருந்தால் அப்போது உங்களுக்கு 'HYPERLINK' ஏதும் தோன்றியிருக்குமா?
உலகம் என்னவோ பெரிசு தான், சாதி தானய்யா சிறியது!
அன்பன்,
கதிரவன்.
# posted by Dondu : 1/21/2005 07:49:46 PM

அய்யா டோண்டு,
சாதியை புகுத்தியது நானல்ல. நீங்கள் தான், ஏற்பாட்டுத் திருமணங்கள் மூலமே உறவுகளை வளர்க்கும் சமூகத்தில் தான் சார்ந்துள்ள சாதியினரே உறவினராவது தானே நடக்கும்?
அவ்வகையில் நீங்கள் உங்கள் நண்பருடனான உறவு முறையை தொடர்புடைய நிகழ்வின் மூலம் ஊகித்துள்ளீர்கள் - அவரும் உங்கள் சாதியை சார்ந்தவர் என்பதால் இல்லையா?
இதில் குறை கூற ஒன்றுமில்லை.
சாதி காரணமாக தோன்றிய உங்கள் "ஹைபர்லின்க்" க்கு நீங்கள் கூறியதோ "இது ஒரு சிறிய உலகம்தான்" என - சாதியே உலகமென உருவகப்படுத்துவதுபோல்!
இந்த வாசகம் தான் நான் முன்னேயிட்ட பின்னூட்டத்திற்கான காரணம்.
உங்கள் பதிவில் இல்லாத சாதியை, புதிதாய் நான் எங்கே புகுத்தினேன்?
அன்பன்,
கதிரவன்.
# posted by Kathiravan : 1/21/2005 08:48:04 PM

நான் ஒருவருடன் பேசிக் கொண்டிருக்கும்போது அவர் கூறிய நிகழ்ச்சி எனக்கு ஏற்கனவே தெரிந்திருந்தால் அது உடனே நண்பர் உபயோகித்த ஒரு சொற்றொடரிலிருந்து எனக்கு ஒரு ஹைப்பெர்லிங்க் தோன்றும்.

பாலா ஒரு பெண்மணி வண்டியில் தன் மருமானுடன் சென்றுக் கொண்டிருந்தப் போது அவர் கீழே விழுந்தார் என்றுக் கூறியவுடனேயே என் மண்டையில் பல்ப் எரிந்தது. அது தாமதமின்றி வெளிப்பட்டது. அதற்குப் பாலா சாட்சி. பாலா என் உறவினர் அல்ல. அவருடைய சித்தி என் மச்சினியின் ஓரகத்தி என்பதில் அந்த சித்தியும் என் உறவல்ல.

இதே நிகழ்ச்சியை வேறு ஜாதிக்காரர் சொல்லியிருந்தாலும் நான் இதையேதான் கூறியிருப்பேன். என்னுடைய ஹைப்பெர்லிங்குகள் என் வலைப்பூ பதிவுகளில் பல முறை வந்துள்ளன.

"வேறு சாதிக்கார நண்பர்கள் யாருடைய சித்தி மரணம் பற்றி கூறியிருந்தால் அப்போது உங்களுக்கு 'ஹைப்பெர்லிங்க்' ஏதும் தோன்றியிருக்குமா?"

இதற்குப் பதில்: கண்டிப்பாகத் தோன்றியிருக்கும்.

இது ஒரு சிறிய உலகம், உலகமே ஒரு கிராமமாகிப் போனது" போன்ற சொற்றொடர்கள் ரொம்ப சர்வ சாதாரணமாக ஆங்கிலத்திலும் தமிழிலும் பிரயோகிக்கப்படுகிறது. (It is a small world, the world has become a global village)

இதை நான் கூறும்போது மட்டும் நீங்கள் ஏன் அதை சாதியைப் பற்றிக் கூறுவதாக நினைத்துக் கொள்ள வேண்டும்?

Here the hyperlink is the criterion and it was independently witnessed by Bala too. My first recorded hyperlinks in these blogs date back to 1970 or so and I presume some are even older than you. From your email id I presume that you were born in 1972. Please correct me if I am wrong in my presumption.

அன்புடன்,
டோண்டு ராகவன்
# posted by Dondu : 1/21/2005 10:00:03 PM

அய்யா டோன்டு,
பரிதாபத்திற்குறிய பாலாவின் சித்தி வைதேகி அவர்களுக்கு நிகழ்ந்த விபத்தை போலவே நீங்கள் அறிந்த மற்றொரு வைதேகிக்கும் நேர்ந்துள்ளது. பாலா தன் சித்திக்கு நிகழ்ந்த விபத்தை குறிப்பிடும் போது உங்களுக்குள் 'இருவரும் ஒருவராக' இருக்கக்கூடும் என்ற 'பல்ப்' எரிந்திருக்கிறது.
இது பாலாவும் நீங்களும் ஒரே சாதியை சார்ந்தவர் என்பதால் தானே?
இதையொன்றும் நான் குற்றம் கூறவில்லையே!
இதன் காரணமாக நீங்கள் 'இது ஒரு சிறிய உலகம்' எனகூறுவதைத்தான் நான் குறிப்பிட்டிருந்தேன்.
உஙகளது முன்னைய 'ஹைப்பர்லின்க்' பதிவில் கூட ரகுவை உறவினர் என கண்டுபிடிக்கவில்லையா? அல்லது அவரதும் உறவில்லை என கூறுவீர்களா? 'சம்பந்தம்' செய்யும் வகையிலெயே உறவு முறையை காண்பது நம் சமூகத்தில் தற்போதும் பழக்கத்தில் உள்ளதுதானே. அதைக்கொண்டே 'உறவினர்' என்ற சொல்லை பயன்படுத்தினேன்.
இப்போது உஙகள் மைத்துனியின் ஒரகத்தி உஙகளுக்கு உறவல்ல எனக்கூறி நான் சொல்ல வந்ததை தவறாக்க முயல்கிறீர்கள்.
நிற்க..
உங்கள் தவறு என நான் சுட்டியது இந்த நிகழ்வின் காரணமாக 'சிறிய உலகம்' எனும் வார்த்தையை கூறியதுதான். மற்றபடி இது சிறிய உலகம் தான் என்பதில் எனக்கு உடன்பாடே.(eg:'உலகம் ஒரு கிராமமாகிப் போனது' என்ற உங்கள் பதிவு...)
ஆனால் மேற்படி நிகழ்வின் காரணமாக 'சிறிய உலகம்' என கூறுவீர்களேயாயின் - தவறு. அது 'சிறுமைப்பட்ட' உலகமாகிவிடுகின்றது.
அன்பன்,
கதிரவன்,
# posted by Kathiravan : 1/21/2005 10:51:41 PM

Mr. Dondu,
Your presumption is correct. I was born in 1972.
Is it that I should not have raised my opinion since these things are happening well before I was born?
Should I accept anything and everything that is said and practieced before I was born?
Should things be perfect due to their ancient nature?
But most practises are distorting as they gets old – that's my understanding.
Regards,
KATHIRAVAN.
# posted by Kathiravan : 1/21/2005 11:06:41 PM

உங்கள் தகவலுக்கு: ஆடுதுறை ரகுவும் என் உறவினர் அல்ல. அவருடைய பெரியப்பாவும் என்னுடைய மாமாவும் ஷட்டகர்கள் (சகலைபாடிகள்) என்பதால் ரகு எனக்கு உறவாக முடியாது. என்னுடைய உறவு என்னுடைய மாமியுடன் முடிந்துவிடும். ரகுவின் உறவு என் மாமியின் சகோதரியுடன் முடிந்து விடும்.

ரகுவை விடுங்கள். ராமமூர்த்தியோ அல்லது கிருஷ்ணமூர்த்தியோ (ஆ கலே லக் ஜா) அல்லது பத்மா சந்திரசேகரனோ (ஐ.ஏ.& ஏ.எஸ்) என் ஜாதி கூட கிடையாது.

நிகழ்ச்சிகள் ஞாபகத்துக்கு வந்து நான் கேட்பதைப் பற்றி எழுதும் போது அது ஒரு நீண்ட ப்ராஸஸ்ஸாகத் தோன்றுமே தவிர, என்னைப் பொறுத்த வரை அது என்னையறியாமலேயே வெளிப்பட்டு அது என்னையே ஆச்சரியத்தில் ஆழ்த்தி விடும். இது ஒரு சிறிய உலகம் என்று நிஜமாகவே எனக்குப் பட்டதுதான் நான் கூறியது.

அந்த ஹைப்பெர்லிங்க் ஒரு நாடக வசனமாகக் கூட இருக்கலாம் அதுவும் வேறு மொழியிலும் இருக்கலாம். அப்போது ஒரே சாதி வருவது என்பது எதேச்சையாகத்தான் இருக்கும். நடந்ததை நடந்தபடித்தானே கூற முடியும்.

என்னுடைய ஹைப்பெர்லிங்குகள் எதற்கும் கட்டுப்படாதவை. எனக்கும் கூடத்தான். ஒரு குறிப்பிட்ட ஹைப்பெர்லிங்க் ஏன் ஏற்பட்டது என்பதை ஆராய்வது வேண்டாத வேலை என்றே நான் கருதுகிறேன். அது வந்தது என்பதுதான் முக்கியம்.

அன்புடன்,
டோண்டு ராகவன்
# posted by Dondu : 1/21/2005 11:28:55 PM

My purpose of pointing out about your age is to emphasize the fact that these hyperlinks have come regularly in my life since long, even before your birth. And it is the first time that somebody is raising a point about caste in this context. Believe me, I have been relating these incidents all these years. And in many of these hyperlinks the concerned persons were not of my caste and this convincingly answers your question, whether the bulb would have burnt in my head if the inetrlocutor (Bala, in this case) was not of my caste.
Regards,
N.Raghavan
End of comments

கஞ்சா கருப்பு said...

டோண்டு ஐயா,

நீங்க என்ன சொன்னாலும் இந்தக் கதிரேசன், கருவாயன் போன்ற நபர்கள் திருந்தப் போவதில்லை. பேசாமல் அந்த ஜாட்டான்களை (நீங்கள் உபயோகிக்கும் வார்த்தை) ஒதுக்கி விட்டு உங்கள் வழி செல்லவும்.

அன்பன்,
முகம்மது யூனுஸ்

Bajji(#07096154083685964097) said...

சகவலைப்பதிவரே சாட்சியாக இருக்கும் இந்த நிகழ்ச்சி உண்மையிலேயே ஆச்சரியமானது. பல்ப் மட்டும்தான் ஃப்ளாஷ் அடிக்குமா? ஏதாவது மணி சத்தமும் கேட்குமா? :))))

கிருஷ்ணன்

dondu(#11168674346665545885) said...

நன்றி ஹாரி பாட்டர் மற்றும் கிருஷ்ணன். மணியெல்லாம் டூ மச் கூட இல்லை, த்ரீ மச் கிருஷ்ணன் அவர்களே.

அன்புடன்,
டோண்டு ராகவன்

 

Listed in tamizmaNam.com, where bloggers and readers meet :: தமிழ்மணம்.காம்-ல் பட்டியலிடப்பட்டு, திரட்டப்படுகிறது