நங்கநல்லூர் பஞ்சாமிர்தம் - 10.11.2009

பார்ப்பனர் மேல் வெறுப்பு
வினவு என்பவர் தான் எந்த பொருளை பற்றி பதிவு போட்டாலும் அதில் எப்படியாவது பார்ப்பனர்களை திட்டாமல் அவருக்கு சோறு இறங்காது. இப்படித்தான் பாருங்கள், கள்ளர் சாதியினர் தம் குலப்பெண் தலித்தை மணந்ததற்காக அவளை கொலை செய்ததை கண்டித்து பதிவு போட்டார். அதில் சம்பந்தப்பட்ட கள்ளர் சாதியை கண்டித்து எழுதினார், பிறகு என்ன தோன்றியதோ அதை திசை திருப்பி பார்ப்பனருக்கு எதிரான கும்மியாக அதை மாற்றி அங்கு கும்மி அடிக்கப்பட்டு வருகிறது.


என்னத்த இவர்களோட விவாதிக்கிறது? அடப்போங்கப்பா எங்களுக்கு ஆயிரம் வேலைகள் காத்திருக்கின்றன. கடைசியாக அதில் நான் இட்டப் பின்னூட்டம், 


“ஐயா ஆர்.வி.

//என்ன விவாதத்தில் நேர்மையை எதிர்பார்க்கிறேன். அது சில சமயம் கிடைப்பதில்லை.//
அதுவும் வினவு தளத்தில் எப்போதுமே கிடைப்பதில்லை. அதனால்தான் கூறுகிறேன் இம்மாதிரி வெறுப்பாளர்களிடம் பேசுவதைவிட வேறு ஏதாவது உருப்படியான காரியங்கள் செய்யலாம் என்று.
வீட்டு வாடகை விளம்பரம் பற்றி வினவு பேசியிருந்தார். இப்போது கூட தில்லி போன்ற நகரங்களில் வட இந்தியர்கள் தாங்கள் அளிக்கும் விளம்பரங்களில் தென்னிந்திய பிராமணர்களுக்கு முன்னுரிமை என்று இருக்கும். அவர்களுக்கு என்ன பார்ப்பனர் மேல் அவ்வளவு பாசமா என்ன? அவர்கள்தான் தாம் உண்டு தம் வேலை உண்டு என இருப்பார்கள், வீடு தேவைப்படும்போது கேட்டால் வீட்டை காலி செய்து கொடுப்பார்கள் என்று அவர்கள் நினைப்பதுதான் காரணம். இக்காரணங்களை பெரியாரும் தனது இடங்களை வாடகைக்கு விடும்போது கூறி, பார்ப்பனர்களுக்கே முன்னுரிமை அளித்தார் என்பதையும் படித்துள்ளேன். இது ஒரு சமூக கண்ணோட்டம்.

மேட்ரிமோனியல் விளம்பரங்கள் குறித்து ஆணித்தரமாக நீங்கள் கூறியதற்கு அவர்களிடம் பதில் இல்லை, வழுக்குகிறார்கள்.

மோடி விஷயம். நரேந்திர மோடி மேல் லஞ்ச ஊழல் குற்றம் எதையும் காங்கிரசால் கடந்த தேர்தல் சமயம் எழுப்ப இயலவில்லை. இந்த விஷயத்தில் அவர் அளவுக்கு  வேறு எந்த முதன் மந்திரி இச்சமயம் இந்தியாவில் உண்டு? அது ஒன்றே போதுமே அவரை ஆதரிக்க. கோத்ரா/கலவர விவகாரம் இருமுறை வாக்காளர்களால் சீர்தூக்கி பார்க்கப்பட்டு, இரு முறையும் மோடியை குஜராத்தியர் வெற்றி பெறச்செய்தனர். அதுவும் இரு தேர்தல்களிலும் சம்பந்தப்பட்ட தேர்தல் கமிஷனர்கள் அவரைக் குறித்து தம் வன்மத்தை வெளிப்படையாக கூறி, தேர்தலை மிகக் கடுமையாக நடத்தினர். அவர்களையும் மீறித்தான் மக்கள் வாக்களிக்க நேர்ந்தது.

மேலும் மோடி என்ன பார்ப்பனரா? சீக்கியக் கொலைகளுக்கு சப்பைக்கட்டு கட்டிய ராஜீவ் காந்தியை விட அவர் எவ்வளவோ மேல்.

நிங்கள் கூறுவதுபோலவினவு தளத்தில் மறுமொழிகள் ஏறுக்கு மாறாக காலவரிசையின்றி வருவது ஒரு பெரிய தலைவலியே. அவரது செட்டிங்ஸ்கள்தான் அதற்கு காரணம். அதை சரிசெய்யாதவரை நிலைமை இப்படித்தான் இருக்கும். அதை அவர் செய்வாரா என்பதை பார்க்கலாம்.

உங்களுக்கு பதில் சொல்லவே நான் இப்போது வந்தேன். இனிமேல் வருவதாக இல்லை.

இந்தப் பின்னூட்டத்துடன் அப்பதிவை கைகழுவி விட்டேன். அதுதேறாத கேஸுன்னா. 


வி.எஸ். சூரியின் புத்தகம்
அது அமேசான் தளத்தில் கிடைக்கிறது. என்ன, விலைதான் 16 அமெரிக்க டாலர்கள். அமெரிக்கவாழ் இந்தியர்களுக்கு அது பெரிய தொகை இல்லை என்றுதான் நினைக்கிறேன். முடிந்தால் வாங்கி பார்க்கலாம். அதில் அச்சுப்பிழைகள் அதிகம். நான் அவனிடம் சொன்னதற்கேற்ப அப்புத்தகத்தைன் சோர்ஸ் கோப்பை எனக்கு அனுப்பினான். நானும் அதில் பிழைதிருத்தி அவனுக்கு அனுப்பியுள்ளேன். ஆனால் அச்சு காப்பியில் அவை அப்படியே உள்ளன. அவற்றையும் மீறித்தான் நான் அப்புத்தகத்தின் மேம்பாட்டை கண்டேன். 


மொழி பெயர்ப்பு விஷயத்தில் பலமுடிவுகள் எடுக்க வேண்டியுள்ளது. அவனுடன் டிஸ்கஸ் செய்து வருகிறேன். ஏனெனில் மூலப்புத்தகத்தை எழுதியவரின் ஒப்புதல்களுடன் சில மாறுதல்களை செய்ய வேண்டியிருக்கும். அவன் அவை சம்பந்தமாக எனக்கு பிளாங்க் செக் போல ஒப்புதல் தந்தாலும், அதை பொறுப்புடன் ஏற்று நடத்தவேண்டும் என்ற எண்ணம் என்னை அவசரப்படாமல் இருக்கச் செய்கிறது. முக்கியமாக ஆங்கிலத்தில் சொல்விளையாட்டுகள். அவற்றை தமிழில் வேறுவிதமான சொல்விளையாட்டுகளால் ஈடுகட்ட வேண்டியிருக்கும். இதுதான் இலக்கிய மொழிபெயர்ப்பின் கடினமான பகுதி. 


தொழிற்நுட்ப கட்டுரைகளில் இப்பிரச்சினை இல்லை. அவற்றை மொழிபெயர்க்க (a+b)² = a² + 2ab + b^{2 என்னும் ரேஞ்சில் எழுதினால் போதும். என்ன, சம்பந்தப்பட்ட சமன்பாடுகள் தெரிய வேண்டும். அதற்குத்தான் தொழிற்நுட்ப அறிவு. அது சரி, மேலே அது பற்றி இங்கு ஏன்? முடிவுகள் முதலில் எடுக்கப்படட்டும். பிறகு வேலை சுலபமாகி விடும்.}


எனது ஆங்கில வலைப்பூவில் ஒவ்வொரு அத்தியாயமாக வெளியிடலாம் என்றும் எண்ணம். ஆங்கில மூலத்தின் காப்புரிமை அவனுடையது. தமிழ் மொழிபெயர்ப்பின் காப்புரிமை என்னுடையது என்பதை இங்கு சந்தேகத்துக்கிடமின்றி கூறிவிடுகிறேன்.


கர்நாடக வக்கீல்கள் அமளி
நீதிபதி தினகரனை எதிர்த்து கர்நாடகாவில் வக்கீல்கள் அமளி செய்துள்ளனர். சென்னை வக்கீல்களின் காற்று இங்கும் அடித்திருக்கிறது. ஆனால் சென்னை வக்கீல்கள் அதை கண்டித்துள்ளதாக அறிகிறேன். காரணம் என்னவாக இருக்கும்.


அதை கூறுவத்ற்கு முன்னால் ஒருவார்த்தை. வ்க்கீல்கள் செய்வது சென்னையாயினும் பெங்களூர்வனாலும் ரௌடித்தனமே. ஆமாம், சென்னை வக்கீல்கள் ஏன் இதை மட்டும் கண்டிக்கிறார்கள்? அவர்களுக்கு அதற்கான யோக்கியதை என்ன? டோண்டு புதிர்களில் அதை போடுவோமா? விடைகள் ப்ளீஸ். க்ளூ: சென்னையில் வக்கீல்களின் நிலைப்பாட்டை விழுந்து விழுந்து ஆதரித்த வினவின் எதிர்வினை பெங்களூரு விஷயத்தில் டீஃபால்ட்டாக எவ்வாறு இருக்கும்?


அன்புடன்,
டோண்டு ராகவன்