டோண்டு பதில்கள் பகுதி மீண்டும் தொடங்க எண்ணம் - முரளி மனோகரது பதிவு

டோண்டு பெரிசு அனானி ஆப்ஷனை எடுத்ததுமே இது பற்றி யோசித்தேன். இருந்தாலும் சற்றே ஆறப்போடலாம் என விட்டுப் பிடித்தேன். இப்போது தோன்றுகிறது மீண்டும் ஆரம்பித்தால் என்ன டோண்டு பெரிசிடம் கேட்க அதுவும் என்னை இப்பதிவை போடச் சொல்லிடுத்து.

இப்போ நல்ல விஷயம் என்னன்னாக்க டோண்டு பெரிசு மெனக்கெட்டு “அனானி (வியாழன் காலை 09.30-க்கு கேட்டவர்)” என்றெல்லாம் நீட்டி முழக்க வேண்டியிருக்காது. கேள்வி கேட்டவர் பெயரை ஹைப்பர் லிங்குடன் போட்டால் ஆயிற்று வேலை.

ஆனால் சில முன்னெச்சரிக்கை நடவடிக்கைகள் தேவைப்படும் (டோண்டு பெரிசு சொன்னதுபோல)

1. முகத்தை மூடிய ப்ரொஃபைல்கள் கீழே வரும் கேள்விகள் வம்பில்லாத கேள்விகளாக இருந்தால் எடுத்துக் கொள்ளலாம். ஆனால் அவையே பிறரைத் திட்டி வந்தால் அதற்காகவே நிராகரிக்கப்படும்.

2. பிறரைத் தாக்கி வரும் கேள்விகளை கேட்பவர்கள் ஊர் தெரிந்த பதிவர்களாக இருப்பது அவசியம். ஏனெனில் அவர்கள் அசிங்கமாக எல்லாம் திட்ட மாட்டார்கள் - பட்டாப்பட்டி, வெளியூர்காரன், மங்குனி அமைச்சர், கும்மி, பன்னிக்குட்டி ராமசாமி போன்ற சில விதிவிலக்குகளைத் தவிர்த்து, என நம்பப்படுகிறது. அப்படியே வந்தாலும் இருக்கவே இருக்கிறது மட்டுறுத்தல். கேள்வியை எழுதிவிட்டு பதிலளிக்க மறுப்பதும் ஒரு வழி. அதே தீவிரத்துடன் டோண்டு பெரிசு திரும்ப அட்டாக் செய்து பதிலைத் தருவதும் சில சமயம் நடக்கும்.

3. இன்னொரு விஷயத்தையும் கவனத்தில் கொள்ளோணும். ஏதேனும் நிகழ்வைக் குறித்து கேள்வி கேட்டால் அதற்கான சுட்டிகளை முடிந்தவரைக்கும் தருவது நலமாக இருக்கும்னு டோண்டு பெரிசு கருதுகிறது.

4. வழக்கம்போல கேள்விகள் பின்னூட்டங்களாக எந்தப் பதிவிலும் வரலாம், இப்பதிவையும் சேர்த்து.

5. சரி கேள்விகள் வரவேயில்லைன்னாக்க?
இதில் என்ன பிரச்சினை? டோண்டு பதில்கள் பதிவு(கள்) வராது அவ்வளவே.

அவ்வளவுதானே டோண்டு பெரிசு?

அன்புடன்,
முரளி மனோகர்