டோண்டு பதில்கள் 12.12.2008

அனானிL:
1. உங்களுக்கு எப்போவாவது கண்கள் பனித்து, இதயம் இனித்திருக்கிறதா?
பதில்: நீங்கள் இதையா கூறுகிறீர்கள்? கலைஞர் இதைவிட ஜோக்கான வார்த்தை முத்துக்களை உதிர்த்துள்ளார். அது இருக்கட்டும், இவ்வாறு நடந்தால்தானே குடும்ப வியாபாரம் மேலும் களைகட்டும்? எவ்வளவு கோடிகள் மாறினவோ யார் கண்டது.

அனானி (05.12.2008 காலை 10.56-க்கு கேட்டவர்):
1. சென்ற நூற்றாண்டிற்கும் இந்த நூற்றாண்டிற்கும் இடையே ஏற்பட்டுள்ள மாற்றங்கள்,நன்மைகள்,தீமைகள்,ஆபத்துகள்,சாதனைகள்,வேதனைகள்,லாபங்கள் ஆகிய‌வ‌ற்றை கீழ்க‌ண்ட‌ துறைக‌ளில் ஓப்பிடுக‌
1.அரசியல்; 2.வாணிபம்; 3.நாடகம்; 4.சினிமா; 5.இசை; 6.இலக்கியம்; 7.பத்திரிக்கை
8.அறிவியல்; 9.ஜாதி, ச‌ம‌ய‌ம், ப‌க்தி; 10.ம‌னித‌ நேய‌ம் ம‌ற்றும் மனித உறவுக‌ள்
பதில்: எம்.ஏ. சோஷியாலஜி பாட கேள்விகளை எல்லாம் என்னைக் கேட்டால் நான் என்ன செய்யட்டும்?

புரளி மனோஹர் (போலி டோண்டு பற்றிய கேள்விகள் தவிர்த்து) இப்போதும் பதில் முரளி மனோஹர்தான் அளிப்பான்:
1) இன்னும் சாதியை உயர்த்திப் பிடிப்பது கேவலமாக இல்லையா?
பதில்: கண்டிப்பா கேவலம்தான் அப்பு. எதுக்கெடுத்தாலும் பாப்பான்தான் காரணம்னு தூக்கிப் பிடிக்கறவங்கதான் அதை புரிஞ்சுக்கோணும். இந்தப் பெரிசு தன்னை பாப்பான்னு சொன்னதுக்கான பின்புலனை ஏற்கனவே பதிவா போட்டுடிச்சு. அதைத் தேவையான இடங்களிலேயும் சொல்லிட்டிருக்கு. அது சொல்லறா மாதிரி ஆ வூ-ன்னா பாப்பான்னாக்க என்னடா ஜாட்டான் உளறறேன்னு வந்து நிக்கும். அது அப்படித்தான். இதில எந்தக் கேவலமும் இல்லை. முக்கியமா தான் சூத்திரங்கறதாலத்தான் எல்லோரும் தனக்கெதிரா இருக்காங்கன்னு புலம்பறதைவிட இது எவ்வளவோ தேவலை. நீதியரசர் ராமசாமி இம்பீச்மெண்ட் போது அவர் பார்பனரல்லாதவர் என்பதற்காகவே அவருக்காக விடுதலை பத்திரிகை சப்பைக்கட்டு கட்டியதே. அதுதான் கேவலம்.

2) ”சண்டைக்கார பாப்பான்”!!??? ஏன் பாப்பானுக்கு கோபம் வருவது அவ்வளவு சிறப்பானதா? ஏன் பறையனுக்கு கோபம் வந்தால் தாழ்வானதா?
பதில்: யாரப்பா அப்படி சொன்னது? தலித்துகளுக்கும் கோபம் கண்டிப்பாக வரணும்னுதான் இந்தப் பெரிசு சொல்லிட்டு வந்திருக்கு. முடிஞ்சா படிச்சுக்கப்பு. 1, 2,

3) நீங்கள் உருவாக்கிய பார்ப்பனியத்துக்கு மாற்று சொல்லான “உயர் சாதீயம்” குறித்து?
பதில்: புதுசா வார்த்தையை உருவாக்க அந்தப் பெரிசு வெப்ஸ்டரா என்ன? ஏற்கனவே இருக்கற வார்த்தையைத்தான் அதுவும் சொல்லுது.

4) கீழ்கண்ட வினாக்களுக்கு நறுக் பதில்கள் -
அ - பார்ப்பனியம் என்ற வார்த்தை ஏன் ஏற்றுக் கொள்ள முடியவில்லை?
பதில்: ஏன் ஏத்துக்கணும். பாப்பானா வன்கொடுமை செய்யறான்? போய் கவுண்டர்கள், தேவர்கள் வன்னியர்கள், பிள்ளைமார்கள் எல்லோரையும் போய் சொல்லிக்கோ. பாப்பான் எவனாவது அட்டூழியம் பண்ணான்னா அப்போ அது பார்ப்பனீயம். இல்லேன்னாக்க அது கவுண்டனியம், தேவரியம், பிள்ளையியம், முதலியாரியம்னு பேசிக்கோ. இல்லேன்னாக்க உயர் சாதீயம்னு பேசிக்கோ. கன்னட பலிஜா நாயுடு வகுப்பை சார்ந்த ஈ.வே. ராமசாமி நாயக்கரே கீழ்வெண்மணியிலே தலித்துகளை உயிரோட கொளுத்தினது இன்னொரு நாயுடுன்னவுடனேயே சவசவன்னு ஒரு அறிக்கை விட்டு அப்பீட் ஆனாரே. அதுக்கு என்ன சொல்லுவீங்க.

ஆ - பார்ப்பனர்கள் வேறு பார்ப்பனியம் வேறு என்கிற தெள்ளத் தெளிவாக வரையறுக்கப்பட்டது தெரியுமா தெரியாதா?
பதில்: இந்த தில்லாலலங்கடி வேலைத்தானே வாணாங்கறது. ஏனப்பூ புரளி, மெனக்கெட்டு தவறா ஒரு வார்த்தையை போட்டுப்பீங்களாம். இந்த பெரிசு அதை வாய்லே வெரலை வச்சுட்டு கேட்டுக்கிட்டிருக்குமாம். யாரை ஏமாத்த இந்த வேஷம் அப்பு? மற்ற உயர்சாதியினர் செய்யற வன்கொடுமையை மறைக்கத்தானே இந்த வேஷம்.

இ - பார்ப்பானும் பறையனும் பெண் கொடுத்து பெண் எடுப்பதில் ஒன்றும் பிரச்சினை இல்லை - இதை ஒப்புக் கொள்கிறீர்களா?
பதில்: சம்பந்தப்பட்ட பிள்ளையும் பொண்ணும் ஒத்துக்கிட்டா யாருக்கு என்ன பிரச்சினை இருக்க முடியும்? ஒரு உயர்சாதி பிள்ளை பாரதியிடம் தன் மகனுக்கு அவர் பெண்ணை கேட்க, பாரதியார் சொல்றார், “ஐயா பிள்ளைவாள் எனக்கு ஆட்சேபணையேயில்லை. ஆனாக்க எங்க வீட்டில் நான் சொல்வதைக் கேட்பார் இல்லை. ஆகவே ஒண்ணு செய்யுங்க. உங்க வீட்டில நீங்க சொன்ன வார்த்தையை யாருமே மீறமாட்டாங்க. ஆகவே உங்க பையனுக்கு ஒரு அருந்ததியார் பெண்ணை கட்டி வையுங்க”. அப்போ அந்த பிள்ளைவாளின் ஆவேசத்தை கேட்டீங்கல்லே, பாரதி படத்துல. மேலும் பாண்டிச்சேரியில் இருக்கையில் பாரதியார் தனது முதல் பெண்ணுக்கு ஒரு தாழ்த்தப்பட்ட சாதியை சேர்ந்த ஒரு குறிப்பிட்ட பையனுக்கே தர யோசித்ததும், செல்லம்மாள் பதறிப்போய் தன் பெண்களை அழைத்து கொண்டு கடையம் சென்றதும் அப்படத்தில் பதிவாகியுள்ளது. ஆகவே பாரதியின் நோக்கத்துக்கு இங்கு யாரும் களங்கம் கற்பிக்க இயலாது. இன்னும் ஒரு வார்த்தை. பாரதியாரால் தன் பெண்ணுக்கு புதுச்சேரியில் மாப்பிள்ளையாக குறிப்பிடப்பட்டவர் மிகவும் ஒழுக்கம் உடையவர். ஆனால் இந்த பிள்ளைவாளோ ஒழுக்கம் குன்றியவர். எப்படி என்பதை படத்தைப் பார்ப்பவர் புரிந்து கொள்வர்.

ஈ - பாப்பாத்தியை பறையன் கட்டினாலும் மூன்று மாதத்தில் வாந்தியெடுக்க வைக்க முடியும் - சரிதானே?
பதில்: ஆண்மையுள்ள ஆணும் பெண்மையுள்ள பெண்ணும் கல்யாணம் பண்ணிக்கிட்டு சந்தோசமா இருந்தா கூடத்தான் பொண்ணு வாந்தி எடுப்பா. அதுக்கு என்ன இப்போ? அது கவுண்டசாதிப் பெண்ணா இருந்தா என்ன, கோமுட்டி பெண்ணா இருந்தா என்ன, முதலியார் பெண்ணா இருந்தா என்ன?
என் சார்பில் பதிலளித்ததுக்கு நன்னி முரளி மனோஹர்.

Anony (posed the question on 06.12.2008, 03.51 hrs.)
1. You seem to be liking Israel, Srilankan Government and Modi. Dont you think there is an explicit pattern?
பதில்: மோடியையோ இஸ்ரேலையோ நான் விரும்புவதை டைம் நியூஸ்வீக் பத்திரிகைகளிலேயே போடும் ரேஞ்சுக்கு எல்லோரும் அறிவர். ஸ்ரீலங்கா அரசை நான் விரும்புவதாக நீங்கள் கூறுவதுதான் உலக மகா ஜோக்.


ஸ்ரீராம்:
1. இந்தியாவில் நிலவும் பயங்கிரவாதிகளின் அச்சுறுத்தலால் நிலவும் அசாதரண சூழ்நிலையை சமாளிக்க -துக்ளக் பத்திரிக்கை ஆசிரியர் "சோ" -இதில் நிபுணத்துவம் பெற்ற அமெரிக்கா மற்றும் உங்களுக்கு மிகவும் பிடித்த இஸ்ரவேல் நாட்டின் வல்லுணர்களின் உதவியை பெற வேண்டும் என அருமையாய் துக்ளக்கில் எழுதியுள்ளார் படித்தீர்களா?உங்கள் கருத்து ?
பதில்: இதற்கான பதிலை மெனக்கெட்டு என்னிடம் பெறவேண்டுமா? இந்த விஷயத்திலே சோ சொல்லறதைத்தானே நானும் சொல்லறேன். அதுதான் லோகத்துக்கே தெரிஞ்சதாச்சே. இன்னொரு செய்தி சில ஆண்டுகளுக்கு முன்னாலே படிச்சேன். ஆனானப்பட்ட ரஷ்யாவே செசன்யா விவகாரத்தாலே நொந்து போய், பாலஸ்தீன பயங்கரவாதத்துக்கு எதிரா இஸ்ரேலவேலர்களின் செயல்பாட்டுக்கு தனது புரிதலை தெரிவித்துள்ளது. இந்தியாவும் அவ்வாறே செயல்பட்டால் நல்லது.

அனானி (09.12.2008 காலை 06.25-க்கு கேட்டவர்)
1. பா.ஜ.க வின் ஆட்சிக் கனவு அவ்வளவுதானா?
பதில்: தோல்வி கண்டு பா.ஜ.க. துவளாமல் இருப்பதுதான் அக்கட்சிக்கு நல்லது.

2. துக்ளக் சோ அவர்களின் முயற்சி அம்மையார் ஜெ-யிடம் எடுபடவில்லையே?
பதில்: முயற்சி செய், பலன் ஆண்டவனது விருப்பத்தை பொருத்தது. அதுதான் சோ அவர்களின் நிலை என நான் கருதுகிறேன்.

3. அஞ்சா நெஞ்சன் அழகிரி-சன் சகோதரர்கள் சமரசம் ,ஆனால் கனிமொழி கருணாநிதி கடும் கோபத்திலாமே?
ஆங்கிலத்தில் இவ்வாறு கூறுவார்கள்:
WHERE THE EAGLES GATHER, THERE HAS TO BE CARCASS/
AND WHERE THE CARCASS IS, THE EAGLES WILL GATHER TOGETHER/
[மொழிபெயர்ப்பு: கழுகுகள் வானில் வட்டமிட்டன என்றால் எங்கோ அழுகின பிணம் உள்ளது
அழுகின பிணம் இருந்தால் எங்கிருந்தோ கழுகுகள் வந்து வானில் வட்டமிடும்]
அளவுக்கு மீறி ஒரு குடும்பத்தினர் பணம் ஈட்டினால் அக்குடும்பத்திலுள்ள எல்லோருமே பணத்துக்கு அடித்து கொள்வார்கள். அதில் கோபதாபங்கள் எல்லாம் சகஜம்.

4. சசிகலா-ராஜாத்தி அம்மாள் சந்திப்பு புதிய திருப்பத்தை ஏற்படுத்துமா?
பதில்: கலைஞர் குடும்பத்தில் தற்காலிக போர் நிறுத்தம் ஏற்பட்டுள்ளது போலிருக்கிறதே. இந்த கேள்விக்கு ஏதேனும் இப்போது முக்கியம் உள்ளதா?

5. சோதிடர்களின் கணிப்பு படி மீண்டும் சோனியா அம்மையாரின் ஆட்சி தொடரும் போலுள்ளதே-2009 -2014?
பதில்: டோண்டு ராகவன் சோதிடத்தை நம்பமாட்டான் என்பதை பிபிசியிலேயே கூறிவிட்டார்கள், அவனைப் போய் இந்த கேள்வி எல்லாம் கேட்டுண்டு. உங்களுக்கே இது ஓவரா தெரியல்லியா?

ராமகிருஷ்ணஹரி:
1. BJP has got 39% votes, congress has got only 37% votes in Rajasthaan. But the no of seats won by congress is 96. what is your comment?
பதில்: அதுதான் நமது தேர்தல் முறை. அதில் தவறு காண்பதற்கு இல்லை. விகிதாசார முறைப்படி சீட்டுகள் வந்தால் குழப்பம்தான் மிஞ்சும். நம்ம தேசத்துக்கு இப்போது இருக்கும் முறையே சிறந்தது. இந்த விஷயத்தில் நான் இட்ட “முயற்சியின் எல்லைகள்” பதிவிலிருந்து சில வரிகள் கூறுவேன். “தடை ஓட்டப்போட்டியில் பார்க்கலாம். விவரம் தெரிந்தவர்கள் தடையை க்ளியர் செய்ய எவ்வளவு தேவையோ அவ்வளவு உயரம்தான் குதிப்பார்கள். அப்போதுதான் அதிகம் களைப்படையாமல் தவிர்க்கலாம், ரேசையும் வெல்லும் வாய்ப்பு உண்டு. தேர்தல் சமயங்களில் பல தொகுதிகளில் வேட்பாளர்களை நிறுத்தும் கட்சியினர் எங்கு வெற்றி வாய்ப்பு குறைவோ அங்குதான் அதிகம் பாடுபட வேண்டும். வெற்றி வாய்ப்பே இல்லாத தொகுதிகளை தவிர்ப்பதுவும் புத்திசாலித்தனமான செயல். பத்து சீட்டுகளில் சுமாரான வாக்கு வித்தியாசத்தில் வெற்றி பெறுவது, இரண்டு சீட்டுகளில் அமோக வெற்றி பெறுவதை விடச் சிறந்ததுதானே”.

2. will the same trend repeat in next general election also?
பதில்: அதை எப்படி இப்போது கூற முடியும்? அடுத்த ஆண்டு துக்ளக் மீட்டிங் வரும் சமயத்துக்குள் நிலையில் ஏதேனும் தெளிவு பிறக்கும் என நம்புகிறேன். அப்போது சோ என்ன சொல்லப் போகிறார் என்பதை அறிய நானும் ஆவலுடன் காத்திருக்கிறேன்.


அனானி (10.12.2008 காலை 06.55-க்கு கேட்டவர்):
1. ஹார்லிக்ஸ் - காம்ப்ளான் : விளம்பர யுத்தம் எப்படி?
பதில்:It is in very bad state. என் பொருள் உயர்ந்தது எனக் கூறுவதைவிட்டு அடுத்தவன் பொருளை பழிப்பது சரியே இல்லை.

2. இலங்கையில் தமிழன் செத்து மடிவதை யாராலும் தடுத்து நிறுத்த முடியாததற்குக் காரணம்?
பதில்: எதில் விரோதம் இருந்தாலும் புலிகளும் இலங்கை அரசும் போட்டி போட்டு கொண்டலவா தமிழன் சாக வழி செய்கின்றனர்?

3. ரஜினியின் பிறந்த தினமான டிச.12-ந் தேதி அதிமுக கட்சியில் ரசிகர்கள் இணையும் விழாவிற்கு ஏற்பாடு செய்து ரஜினிக்கு அதிர்ச்சி வைத்தியம் அதிமுக கொடுக்கவுள்ளனரா?
பதில்: ரஜினி அரசியலுக்கு வந்தால் தேவலையா வராவிட்டால் தேவலையா? அவரது ரசிகர்கள் என சொல்லிக் கொள்பவர்கள் அவர் பெயரைச் சொல்லி சம்பாதிக்க எண்ணுபவர்கள்.

4. கச்சா எண்ணைய் விலை கடுமையாக குறைந்துள்ள போதும், மக்களின் சிரமங்களைப் போக்க முன்வராமல் ஒரு கண் துடைப்பு வேலையாக பெட்ரோல், டீசல் விலையை பெயரளவில் அரசு குறைத்துள்ளது.நியாயமா?
பதில்: எண்ணெய் விலைக்கட்டுப்பாட்டை நீக்கி மார்க்கெட் விதிகளுக்கு அதை உட்படுத்தினாலே குழப்பங்கள் குறைந்துவிடும் என நம்புகிறேன். ராஜாஜி அவர்கள் துணிந்து 1952-ல் ரேஷன் முறையை நீக்கினார். தானாகவே நிலைமை சரியாகியது.

5.ஆட்டோமொபைல் துறையில் ஏற்பட்டுள்ள தேக்கம் சரியாகுமா?
பதில்: இதில் பலகாரணிகள் செயல்படுகின்றன. முதலில் பொருளாதார மந்தநிலை மாறவேண்டும். பணப்புழக்கம் குறைந்தால் கார் முதலிய பொருட்களின் விற்பனைதான் முதலில் குறையும். அவற்றை வாங்குவதற்கான பணம் இருக்காது. கார் லோன் எல்லாம் இன்னும் தருவார்கள் என எதிர்பார்ப்பது மூடத்தனம்.

கிருஷ்ணன்:
1: Any comments on the article by Ms. Kanimozhi in The Hindu http://www.thehindu.com/2008/12/10/stories/2008121055791100.htm?
We cannot fault her when she writes, "A few days ago, in a particular school, when the teacher announced a project work for this day (Bakrid), a Muslim student expressed his inability to attend school on that day. She answers him, in a matter-of-fact manner: “Students who do not come to school on that day can consider themselves as failed.” But then she goes on to say, "This is not to blame any particular group or to say the others are all blameless. The others might have different versions of such stories to share. There are many such institutions that play similar games in the name of religion and end up sowing the seeds of hatred and divisiveness in the minds of children". Quite balancing on the face of it. But if you see deeply, you will see her bias when she just stops with one example. Either give more examples or just remove any identifying qualifications in the one example given. A true daughter of her father she is, I am afraid.

2. Do you agree with Boycott when he says cricket should not played amidst such tight security?
பதில்: அவர் கூறுவதிலும் அர்த்தம் இருக்கிறது. ஆனால் என்ன செய்யலாம்? கிரிக்கெட் ஆட்டங்கள் நடக்காவிட்டால் ஏழை கிரிக்கெட் போர்டும், சூதாட்டக்காரர்களும் எப்படி பிழைப்பதாம்? :))))) டெண்டுல்கர் அடுத்த கோடி ரூபாய்க்கு எங்கு போவார்? பாவம் இல்லையா அவர்?

3. Do you think India can do a Israel and bomb terrorist camps in Pakistan regardless of consequences?
பதில்: இல்லவே இல்லை. இந்தியாவால் அவ்வாறெல்லாம் செய்ய இயலாது. அகிம்சை நாடாயிற்றே.

4. Have you prepared a list of books to be purchased at the coming Chennai book fair? If so, can you share it with us ? How many times do you propose to visit the fair?
பதில்: பாரா அவர்களது இப்பதிவை படித்த பிறகு முத்துலிங்கத்தின் புத்தகம் வாங்க வேண்டும். தமிழினி பதிப்பகத்தில் கிடைக்கும் என்றார் பத்ரி, அவருக்கு நான் போன் போட்டு கேட்டபோது. மீதி புத்தகங்கள் உசிதத்துக்கேற்ப. ஜெர்மன், பிரெஞ்சு, இத்தாலிய தொழில்நுட்ப அகராதிகள் வாங்கி பல ஆண்டுகள் ஆகிவிட்டன. 2001-ல் தில்லியிலிருந்து வந்தபிறகு ஒரே ஒரு இத்தாலிய அகராதி மட்டுமே வாங்க முடிந்தது. ஆனால் புத்தகக் கண்காட்சியில் இல்லை. ஜெர்மன் புக்செண்டருக்கு போய் வாங்க வேண்டியிருந்தது. அது நடந்து ஐந்து ஆண்டுகளுக்கு மேலாகி விட்டன.

அனானி (11.12.2008 மாலை 07.21-க்கு கேட்டவர்)
1. பிள்ளையோ பிள்ளை முக முத்து பிரச்சனை பண்ணுவார் போலிருக்கே?
பதில்: டிசம்பர் 14, 2008 ஜூ.வி. இதழில் இது பற்றி படித்ததிலிருந்து கூறுகிறேன். நீங்கள் சொன்னதில் பசை உள்ளது.

2. பெரியவருக்கு மீண்டும் தர்மசங்கடமா?
பதில்: ஆம்

3. தாத்தா சொத்து பேரனுக்கு -கோர்ட் நடவடிக்கைகள் தலைவரின் மூத்த பேரன் அறிவு நிதி தொடர நடவடிக்கையாமே?
பதில்: தாத்தா உயிருடன் இருக்கும்வரை, அதுவும் கருணாநிதி அவர்களின் சொத்து அவரது சுயசம்பாத்தியமே என்னும் நிலையில் நீங்கள் சொன்னது பொருந்தாது. சாதாரணமாக, உயில் எழுதி வைக்காமல் தாத்தா இறந்த நிலையில்தான் பேரனுக்கு சொத்தில் பங்கு என்றெல்லாம் வரும். இதுதான் இந்து லா.

4. கருணா, தயா, கலா, அறிவு(நிதி)-கோடிகள் குவிந்ததற்கு பெயராலஜி காரணமா?
பதில்: சுரண்டாலஜி என வால் பையன் கொடுத்த பதிலே பொருத்தமாகத்தானே உள்ளது?

5. தவறான முறையில் சேர்த்த சொத்து தவறாமல் துன்பத்தை தரும் என்பது உண்மையாகப் போகிறதா?
பதில்: WHERE THE EAGLES GATHER, என்று ஆரம்பிக்கும் மேலே சொன்ன பதில்தான் இங்கும். கழுகுகள் பிய்க்கும்போது ஒட்டுமொத்த துன்பந்தானே.


மீண்டும் அடுத்த வாரம் சந்திப்போமா?

அன்புடன்,
டோண்டு ராகவன்