கமலஹாசன் இந்தப்படத்தைச் சுட்டால் ஓகோன்னு படம் இருக்கும்

எப்படியும் கமல் அடுத்த படத்தையும் எங்கேயிருந்தாவதுதான் சுடப்போகிறார். ஏன் இந்தப் படத்தை சுடக்கூடாது? படத்தின் பெயரின் தமிழாக்கம் “பேஷ் பேஷ், வாழ்க்கைன்னா இப்படித்தான் இருக்கணும்” (Waah, life ho toh aisi).

நேற்று மாலை Zee டிவியில் இப்படத்தை உறவினர் வீட்டில் எதேச்சையாக பாதியிலிருந்து எந்தவித எதிர்ப்பார்ப்புமின்றி டைம்பாசுக்காகப் பார்த்தேன். பிரமித்தேன். ஆனால் அந்தோ படம் முடிவதற்கு முன்னாலேயே வீட்டுக்கு வர வேண்டியிருந்தது. அதனால் எல்லாம் துவண்டுவிடுவானா இந்த டோண்டு ராகவன்? படத்தின் பெயரை ஆங்கில எழுத்துக்களில் நோட் செய்து கொண்டு வந்ததும் வராததுமாக கணினியை இயக்கி இணைய இணைப்பு தந்து யூ ட்யூப் மச்சான் உதவியால முழு படத்தையும் பாத்துட்டோமுல்ல.

அதாகப்பட்டது, படத்தின் பெயரை ஆங்கிலத்தில் டைப் அடித்து, தேடும் ஆணை தந்ததுமே முழு படமும் 14 பகுதிகளாக வந்தது. பிறகு என்ன இரவு ஒரு மணி வரை படத்தைப் பார்த்து விட்டுத்தான் தூக்கம். முதல் பகுதி இங்கே.

சரி அப்படி என்ன இப்படத்தில் என்று கேட்கலாம். அதிலும் இதில் கமல் ஏன் குறிப்பிடப்படுகிறார் என்பதைக் கூறுவதுதான் இப்பதிவின் நோக்கம். முதலில் கதையை பார்ப்போம்.

தனது பெரிய குடும்பத்தை தன் உழைப்பால் பராமரித்து வெற்றி மேல் வெற்றி பெறும் இளைஞன் ஆதி. அவனுடைய அண்ணன் குடிபோதையிலே எப்போதுமே இருப்பவன். அவன் குழந்தைகளும் ஆதியின் பராமரிப்பில்தான். பெரிய அண்ணனும் அண்ணியும் விமான விபத்தில், இறக்க அவர்கள் குழந்தைகளையும் இவன்தான் பார்த்துக் கொள்ள வேண்டும். பக்கத்து வீட்டில் இருக்கும் பிரேம் சோப்ரா சித்தப்பா தன் குல வழக்கப்படி ஆதியின் வீட்டை அபகரிக்க என்ணும் பில்டருக்கு துணை போகிறார். ஆதிக்கு விளங்காத ஒரு பார்ட்னர். ஆதியின் 32 லட்சத்தை எடுத்து இன்வெஸ்ட் செய்து விட்டு எப்போது அவனுக்கு நாமம் போடலாம் எனக் காத்திருக்கிறான்.

இதெல்லாம் தெரியாத ஆதி மோட்டார் விபத்தில் உயிரிழக்கிறான். அவனை அழித்துச் செல்லும் யமர் அற்புதமான கூறை திறந்த காரில் வானத்தில் பறக்கிறார். கூடவே சக்தி என்னும் ஆறு வயது சிறுவன். அவனும் இறந்திருக்கிறான். தான் மரணமடைந்ததை அறிந்து ஆதி துணுக்குற்று தன் வீட்டை ஒரு முறை காட்டுமாறு யமரைக் கேட்க, அவரும் சரியென காட்டுகிறார். ஆதியின் குடும்பம் படும்பாட்டைக் கண்ட யமர் ரொம்ப ஃபீலிங்ஸாகி அழுகிறார்.

அவரது உதவியுடன் ஆதி பேயாக வந்து குடும்பத்துக்கு எல்லா உதவியும் செய்கிறான். இப்போதே புரிந்திருக்கும் முழம் முழமாக காதில் பூவை சுற்றுவார்கள்/சுற்றுகிறார்கள் என. இருப்பினும் அந்த சுற்றலும் எனக்கு மனதுக்கு இதமாக இருந்தது என்பதும் நிஜம். சஞ்சய் தத் யமராக தூள் கிளப்புகிறார். அந்த அளவுக்கு செய்ய நம்ம கமலை விட்டால் வேறு ஆள் இல்லை. படத்தின் முடிவை யூட்யூப் திரையில் காண்க.

நிஜமாக சொல்கிறேன். கமல் அடித்து தூள் செய்ய வேண்டிய படம் இது. ஆதியாக தனுஷைப் போடலாம். பிரேம் சோப்ரா ரோலுக்கு மணிவண்ணன் இருக்கவே இருக்கிறார்.

நீங்களும் உங்கள் ஆலோசனைகளை கூறுங்களேன்.

அன்புடன்,
டோண்டு ராகவன் (ரொமப்வும் ஜாலியான மூடில்)

போலி டோண்டு பற்றி 20.12.2009 தேதியிட்ட கல்கி இணையம் பற்றிய இதழில் வந்த எனது கட்டுரை

சில நாட்களுக்கு முன்னால் நேசமுடன் வெங்கடேஷ் தான் தயாரிக்கவிருக்கும் கல்கி இணையச் சிறப்பிதழில் போலி டோண்டு பற்றிய எனது அனுபவங்களை கட்டுரை ரூபத்தில் அனுப்பச் சொன்னார். அதற்காக நான் அனுப்பிய கட்டுரை இதோ.

இந்தியாவுக்கான கூகள் தேடுபெட்டியில் டோண்டு என தமிழ் ஒருங்குறியில் அடித்து க்ளிக் செய்தால் 38000 ஹிட்டுகளுக்கு மேல் வருகின்றன. அது இந்த உண்மை டோண்டுவுக்கு பெருமை ஒன்றும் அளிப்பதாக இல்லை. இந்த நிலைக்கான முக்கியக் காரணமே போலி டோண்டு என்ற பெயரில் வந்த மலேசிய பதிவர் மூர்த்திதான்.

2005-லிருந்து 2008 ஜூலை வரை அவன் தமிழ் இணையத்தில் கொட்டம் அடித்தான். அதற்கு முன்னரே பலரது வயிற்றெரிச்சலை கொட்டிக் கொண்டிருக்கிறான். பலர் அவனால் இணையத்தையே விட்டு விலகினர். அவனும் அதற்காக காலரை தூக்கி விட்டுக் கொண்டான்.2005-லிருந்து அவனது லீலைகள் வழக்கத்தைவிட அதிகமாகவே அத்துமீறின. காலணாகூட பெறாத ஒரு விஷயத்துக்காக அவன் என்னிடம் விரோதம் கொண்டான். சாதாரணமாக அவனால் தாக்கப்படுபவரது பெண் உறவினர்களை அசிங்கம் அசிங்கமாக திட்டுவான். ஆனால் என்னைப் பொருத்தவரை எனது அடையாளத்தையே முழுக்க முழுக்க ஏற்றுக் கொண்டு மற்ற பதிவர்களது பெண் உறவினர்களை திட்டினான்.

அதனால் திடீரென பார்ப்பவர்களுக்கு இந்த உண்மை டோண்டுவாகிய நான்தான் பதிவர்களை வாய்க்கூசும் வார்த்தைகளால் வசைபாடுகிறேன் என்று தோற்றம் அளித்தது. ஆகவே வேறு வழியின்றி நான் சண்டையில் இழுக்கப்பட்டேன்.

என்னைப் பற்றி முதலில் கூறிவிடுகிறேன். நான் பிடிவாதக்காரன்.மிரட்டல்களுக்கு அஞ்சாதவன். போலி டோண்டுவோ கணினி விஷயங்களில் நிபுணன். அந்தத் திறமையை வைத்துத்தான் எல்லோரிடமும் விளையாடி வந்திருக்கிறான். அவனுடன் போராடவே நான் எனது கணினி திறமைகளை வளர்க்க வேண்டியிருந்தது.

பிளாக்கர் பதிவுகளில் பின்னூட்டங்கள் இட மூன்று வழிகள் உண்டு. ஒன்று பிளாக்கராக லாகின் செய்து வருவது. இரண்டு அனானியாகவே அவருவது. மூன்று அதர் ஆப்ஷனில் வருவது. முதலில் அவன் அதர் ஆப்ஷன் மூலமாகத்தான் நான் பின்னூட்டம் இடுவது போன்ற தோற்றம் அளித்தான். வலைப்பூவில் எனது படத்தை போட்டுக் கொண்டு சமாளித்தேன். அதர் ஆப்ஷன் பின்னூட்டங்களுக்கு போட்டோ வராது,அதனால் அப்பின்னூட்டங்கள் போலியால் இடப்பட்டதாக அடையாளம் காண்ப்பட்டன. உடனே அவன் எனது வலைப்பூ போலவே அதே டிஸ்ப்ளே பெயர், எனது போட்டோ எல்லாம் வருமாறு ஏற்பாடு செய்தான். அதை அறிய எலிக்குட்டியை அந்த லிங்க் மேல் வைத்து பார்த்தால் போலி யார் உண்மை யார் என்பது பிளாக்கர் எண்ணை எலிக்குட்டி காண்பிப்பதால் தெரிய வரும். ஆனால் அதைச் செய்யவும் சோம்பேறிப்பட்டனர் பல பதிவர்கள். அதுதான் அவனுக்கு சாதகமாக அமைந்தது. நானும் விடவில்லை. சம்பந்தப்பட்ட பின்னூட்டங்கள் வந்த வலைப்பதிவுகளுக்கு போய் அவை போலி பின்னூட்டங்கள் என்பதை நிரூபித்தேன். இதை பெரும்பாலான பதிவர்கள் ஏற்றனர். ஆனால் சிலர் மட்டும் அதை ஏற்க மறுத்தனர்.

அதற்கான முக்கியக் காரணமே சாதி துவேஷம்தான்.இப்போது ஒரு கசப்பான உண்மை பற்றிக் கூறியே ஆக வேண்டும். இணையத்தில் பார்ப்பன எதிர்ப்பு சர்வ சாதாரணமாக நிலவுகிறது. அதுவும் போலி டோண்டு இத்தனை நாட்கள் ஆட்டம் போட முடிந்ததற்கு ஒரு முக்கியக் காரணம். டோண்டு ராகவன் என்னும் பார்ப்பனனை குறிவைத்ததை பலர் ஆதரித்தனர்.அப்படியே கூட தொடர்ந்திருக்க முடியும்.

ஆனால் இங்குதான் அவன் ஒரு முட்டாள்தனமான காரியம் செய்தான். யார் எனக்கு பின்னூட்டமிட்டாலும் அவர்கள் பதிவுக்கு போய் அவர்களை பயமுறுத்துவது, ஆபாசமாக திட்டுவது அதுவும் போதாது என்றால் அவர்களுக்கான போலிவலைப்பூக்களையும் உருவாக்குவது என்றே அவன் செயல்பட்டான். அதனால் பலர் பயந்து போய் எனக்காக பின்னூட்டம் இடுவதை நிறுத்தினர். எனது வலைப்பூக்களில் பின்னூட்டம் இடுவதற்கான அனானி மற்றும் அதர் ஆப்ஷன்களை செயல்படுத்தாமல் இருந்ததால் இது சாத்தியம் ஆயிற்று.

இப்போதுதான் எனது நண்பரான அமெரிக்கவாழ் பதிவர் ஒருவர் துணைக்கு வந்தார். நாட்டாமை, அறவாழி அந்தணன், தினகரன், ராஜ் சந்திரா ஆகிய பெயர்களில் வலைப்பூவை சிருஷ்டித்து கொண்டு எனக்கு பின்னூட்டங்கள் இட்டார். இன்னொரு சென்னை அன்பர் முனிவேலு, தங்கம்மா, பஜ்ஜி, கட்டபொம்மன் ஆகிய பெயர்களில் வலைப்பு சிருஷ்டித்தார். நான் என் தரப்புக்கு முரளி மனோகர் என்னும் பெயரில் வலைப்பூ சிருஷ்டித்தேன். ஆனால் அந்தோ அது பிளாக்கர் சொதப்பலால் வெளிப்பட்டது வேறு கதை. அது இங்கே வேண்டாம்.

தமிழ்மண நிறுவனர் காசி அவர்களையும் அந்த போலி டோண்டு விடவில்லை. அவர் சென்னை சைபர் கிரைமுக்கு சென்றார். நான் என் தரப்பில் சிபிசிஐடியின் சைபர் பிரிவுக்கு சென்றேன். இதெல்லாம் 2006-ல் நடந்தன. ஆனால் அம்முயற்சிகளால் பலன் அதிகம் இல்லை. ஏனெனில் சைபர் கிரைம் விதிகள் இன்னும் சரியாக வடிவமைக்கப்படவில்லை.

இதெல்லாம் நடந்து கொண்டிருக்கும்போது போலி டோண்டுவான மூர்த்தி இன்னும் பலரை எனக்கு பின்னூட்டம் இட்டதற்காக தாக்க அவர்களில் சிலர் பொறுமை இழந்து அவனுக்கு எதிராக சாட்சியங்கள் சேர்க்க தொடங்கினர். இந்த முயற்சிகளில் முக்கியமாக நான் குறிப்பிடுவது செந்தழல் ரவி, உண்மைத் தமிழன், குழலி, ஓசை செல்லா ஆகியோர். எல்லோருமாக சேர்ந்து ஆகஸ்ட் 2007-ல் ஒட்டு மொத்தமாக மூர்த்திதான் போலி டோண்டு என சந்தேகத்துக்கிடமின்றி பதிவுகள் போட்டனர்.

2008-ஏப்ரல் மாதம் செந்தழல் ரவி, உண்மைத் தமிழன் மற்றும் ஓசை செல்லா அவன் மேல் சென்னை சைபர் கிரைமில் புகார் கொடுத்தனர். சில நாட்கள் கழித்து நானும் புகார் தந்தேன். இம்முறை போலீசார் நல்ல ரெஸ்பான்ஸ் தந்தன்ர். மூர்த்தி பிடிபட்டான். ஜூலை 2008-ல் அவனை கமிஷனர் அலுவலகத்தில் வைத்து விசாரித்தனர். நானும் உண்மைத் தமிழனும் சென்றோம்.

போலீஸ் செய்த கெடுபிடியில் அவன் எல்லாவற்றையும் ஒத்துக் கொண்டு தன்னால் உருவாக்கப்பட்ட போலி தளங்களை அழித்தான். போலி டோண்டுவின் அத்தியாயம் முடிவுக்கு வந்தது. ஆனால் மழை விட்டும் தூவானம் விடவில்லை என்பது போல அவ்வப்போது அவனுக்கு அநுதாபம் தெரிவிக்கும் பதிவுகள் வருகின்றனதான். அதனால் என்ன? அவ்வாறு செய்பவர்களில் பலர் அவனுக்கு அல்லக்கைகளாக செயல்பட்டவர்கள் என்பது தெரிந்ததுதானே. ஆனால் ஒன்று, இன்னொரு போலி டோண்டு வராமல் தடுப்பது மிக முக்கியம்.

இன்னும் பலவிஷயங்கள் கூறியிருந்திருக்க வேண்டும். ஆனால் 500-600 வார்த்தைகளுக்குள் கட்டுரை இருக்க வேண்டும் என வெங்கடேஷ் கூறியிருந்தார். ஏனெனில் கல்கி பக்கங்கள் பல விஷயங்களை கவர் செய்ய வேண்டும். இது புரிந்து கொள்ளக்கூடியதே.

வெங்கடேஷ் அவர்கள் எனது கட்டுரையை பலகாரணங்களுக்காக மாடிஃபை செய்து எனது பார்வைக்கு அனுப்பினார். அக்காரணங்களை என்னால் புரிந்து கொள்ள முடிகிறது. ஆகவே அவற்றை இங்கு விவரிக்க முயலவில்லை. இரண்டு கட்டுரைகளையும் கம்பேர் செய்தாலே அவை தெரிந்துவிடும். அவரால் செய்யப்பட்ட மாற்றங்களை ஏற்றுக் கொண்டேன். போட்டோ அனுப்பச் சொன்னார். அனுப்பினேன். அக்கட்டுரை இதோ.

போலி டோண்டு பற்றி நிஜ டோண்டு
=============================
டோண்டு ராகவன். தமிழ் வலைப்பதிவு உலகத்தில் மிகவும் பிரபலமான பெயர். அவருடைய எழுத்தைவிட, அவர் இணையத்தில் பட்ட ரணங்களுக்காகவும் வேதனைகளுக்காகவும் அதிகம் அறியப்படுபவர். இணையத்தில் முகம் தெரியாத மனிதர்கள் எப்படி போலி போர்வை போர்த்திக்கொண்டு, மற்றவர்களை ரணப்படுத்த முடியும் என்பதற்கு இவரது அனுபவமே நேரடி உதாரணம். இங்கே அவரே தன் அனுபவங்களைப் பகிர்ந்துகொள்ளுகிறார்.

“நான் ஓய்வு பெற்ற சிபிடிபிள்யூ பொறியாளன். பிரெஞ்சு, ஜெர்மன் மொழிளைப் படித்தவன். மொழிபெயர்ப்பையே தொழிலாக வைத்துக்கொண்டு இருப்பவன். பல ஆண்டுகள் தில்லிவாசி. இணைய ஆர்வம் என்னையும் ஒரு நாள் தீண்டியது. அதுவும் தமிழில் எழுதவேண்டும் என்ற உந்துதல் என்னையும் ஆட்டிப் படைத்தது. அப்படித்தான், தமிழில் என்னுடைய வலைப்பதிவை நான் 2004ல் தொடங்கினேன். இவ்வளவு துன்பங்களுக்கும் வருத்தங்களுக்கும் நான் ஆளாவேன் என்று தெரியவில்லை.

வழக்கம் போல் என் மொழிபெயர்ப்பு அனுபவங்கள், என் சின்ன வயது அனுபவங்கள், கருத்துகள் என்று அனைத்தையும் என்னுடைய வலைப்பதிவில் எழுதிவந்தேன். தமிழ் வலைப்பதிவுகள் முழுவதும் புதிய நபர்களால் நிறைந்தது. என் வலைப்பதிவுகளைப் படித்துவிட்டு பல பேர் நண்பர்கள் ஆனார்கள். எண்ணற்றோர் என் பதிவுகளுக்கு பதில் தந்து, ஊக்குவித்து, என் எழுத்தை மெச்சினார்கள். நானும் பலருடைய வலைப்பதிவுகளில் போய் என் கருத்துகளை அவர்களோடு பகிர்ந்துகொண்டேன்.

மே 2005. வழக்கம்போல் நான் மற்ற நண்பர்களின் வலைப்பதிவுகளைப் படித்துக்கொண்டு இருந்தபோது, முகமூடி என்ற நண்பரின் வலைப்பதிவைப் பார்த்தேன். அவர் எழுதியிருந்த ஒரு பதிவுக்குக் கீழே பதில்கள் இருந்தன. அதில், என் பெயரில் ஒரு மோசமான, அருவருப்பான கமெண்ட் எழுதப்பட்டிருந்தது. படித்துப் பார்த்தவுடன், துடித்துப் போனேன். அதிர்ச்சி என்ற சொல்லுக்கு அன்றுதான் எனக்கு உருவம் தெரிந்தது.

சம்பந்தமே இல்லாமல், யாருடைய வம்புக்கும் போகாத என்னை யாரோ குறிவைத்திருக்கிறார்கள் என்று என் உள்மனம் சொன்னது. நான் என்ன பாவம் செய்தேன். எதற்கு என்னைக் குறிவைத்திருக்கிறார்கள்? யார் வைத்திருக்கிறார்கள்? தெரியவில்லை. ஒரு பக்கம் வலி. மறுபக்கம், இதை இப்படியே விட்டுவிடக் கூடாது என்ற வேகம், உறுதி.

உடனடியாக என் நண்பர்கள் அனைவருக்கும் கடிதம் எழுதி, இப்படி ஒரு சம்பவம் நடந்திருப்பதைத் தெரிவித்தேன். நான் இதைச் செய்யவில்லை, என் பெயரில் யாரோ விளையாட நினைக்கிறார்கள், ஜாக்கிரதை என்று எச்சரித்தேன். அடுத்த கட்டமாக, வலையுலகும் அதன் தொழில்நுட்ப விவரங்களும் தெரிந்த நண்பர்களிடம் பேச ஆரம்பித்தேன். எப்படி இதை எதிர்கொள்வது?

நண்பர்கள்தான் ஆபத்பாந்தவர்கள். தொழில்நுட்பம் சொல்லித் தந்தார்கள். இதுபோன்ற அனானிமிட்டி கமெண்ட்டுகளை எப்படி எதிர்கொள்ள வேண்டும் என்று விவரம் சொல்லித் தந்தார்கள்.

நான் நண்பர்களிம் இதை எடுத்துச் சொன்னபிறகுதான் மற்றவர்கள் எல்லோரும் உஷாரானார்கள். தமிழ் வலைப்பதிவு உலகமே இந்தப் ‘போலி டோண்டு’வை எதிர்கொள்ளத் தயாரானது. நான் நிஜ டோண்டு. வேறு ஒருவன் என் பெயரில் எழுதுகிறான் என்பதை மற்றவர்கள் ஒத்துக்கொள்ள ஆரம்பித்தார்கள்.

நான்தான் நிஜ டோண்டு என்பதை எப்படி நிரூபிப்பது? என் பிளாக்கர் ஐடி எண், என் போட்டோ ஆகியவற்றை என் பெயரோடு சேர்த்து எல்லா இடங்களிலும் எழுதத் தொடங்கினேன். மற்றவர்களின் வலைப்பதிவுகளில் நான் எழுதிய பதில்களை நானே ஒரு வலைப்பதிவு ஆரம்பித்து அதில் சேமித்தும் வைக்கத் தொடங்கினேன்.

இப்போது அடுத்த பிரச்னை ஆரம்பித்தது. என் வலைப்பதிவில் யார் வந்து பதில் போட்டாலும் அவர்களுக்கு எல்லாம் மிரட்டல் வரத் தொடங்கியது. என்னை ஊக்குவிப்பவர்கள் எல்லோரும், அந்த முகம் தெரியாத மனிதனுக்கு எதிரியானார்கள். உடனே, என் நண்பர்களை எல்லாம் அவர்களுடைய வலைத்தளங்களில் போய், வாய்கூசும் சொற்களால் அர்ச்சனை செய்ய ஆரம்பித்தான். அருவருக்கத்தக்க மொழி. ஆவேசமான கெட்ட வார்த்தைகள். பல நண்பர்கள் பயந்துபோனார்கள்.

எப்படி எதிர்கொள்ளுவது என்று எல்லோருக்கும் திணறல். பலர் என்னோடு சகவாசம் வைத்துக்கொள்வதே ஆபத்துக்குரியது என்று நினைக்க ஆரம்பித்தார்கள். உண்மையில் என்னைத் தனிமைப்படுத்த வேண்டும் என்பதே அந்த முகம் தெரியாதவனின் குறிக்கொள் போலும்.

இந்நிலையில், அடுத்த குண்டு விழுந்தது. என் வலைப்பதிவு போன்றே, அச்சு அசலாக முகம் தெரியாதவனும் இன்னொரு வலைப்பதிவு ஆரம்பித்தான். அதில் எவ்வளவு ஆபாசமாக கதைகளைப் போட முடியுமோ அவ்வளவையும் போட்டான். இதேபோல் இன்னும் பல வலைப்பதிவுகளை அவன் ஆரம்பிக்கத் தொடங்கினான். எல்லாவற்றிலும் இதேபோன்ற ஆபாச அர்ச்சனைகள்தான். என் நண்பர்களின் பெயர்களிலேயே இப்படிப்பட்ட வலைப்பதிவுகள் தொடங்கப்பட்டன.

உடனே, பிளாக்கர் வலைத்தள நிர்வாகத்துக்கு இந்த விவரங்களை எல்லாம் தெரிவித்து, கடிதங்கள் எழுதி, பல வலைப்பதிவுகளை தடுத்து நிறுத்தினோம். வெட்ட வெட்ட முளைக்கும் கள்ளிச்செடி போல், முகமற்றவன் இன்னும் இன்னும் மோசமாக என் மேல் பாய ஆரம்பித்தான்.

அடுத்த பாய்ச்சல்தான் என்னை இன்னும் குலை நடுங்க வைத்தது. என் வீட்டுக்கு ஒரு வலையுலக தோழி வந்து சென்றிருந்தார். அப்போது என் வீட்டினரோடு அந்த அம்மையார் புகைப்படம் எடுத்துக்கொண்டு இருந்தார். இதை எப்படியோ தெரிந்துகொண்ட அந்த முகமற்றவன், என்னுடைய இமெயில் ஐடி போன்றே இன்னொரு ஐடியை உருவாக்கிக்கொண்டு, மிக அமைதியாக அந்த அம்மையாருக்குக் கடிதம் எழுதி, என் வீட்டில் எடுக்கப்பட்ட புகைப்படங்களைப் பெற்றுக்கொண்டான்.

அவ்வளவுதான், இப்போது, ஆபாசம் என் மகள் பெயரில் பொழிய ஆரம்பித்தது. அதுவும் போட்டோவோடு. நிச்சயம் நிலைகுலைந்து போனேன். இதுபோல் எண்ணற்றவர்களின் தனிப்பட்ட விவரங்களை எல்லாம், போட்டோக்களை எல்லாம் திரட்டியவன், அதைக் கொண்டு மோசமான வலைத்தளங்களை உருவாக்கத் தொடங்கினான். நண்பர்கள் நடுங்கிப் போனார்கள். பலர் வலைப்பதிவு உலகை விட்டே ஓடிப் போனார்கள்.

இந்த நிலையில்தான் போலீஸுக்குப் போவது, எல்லா விவரங்களையும் சொல்லுவது ஆரம்பித்தது. சைபர் கிரைம் பிரிவில் போய் விவரங்களை, எங்கள் ஆதங்கங்களையும் கொட்டினோம். 2006லேயே இதை ஆரம்பித்தோம். ஆனால், அப்போது, சைபர் கிரைம் துறைக்குப் போதிய உபகரணங்கள் இல்லை. விவரங்கள் போதவில்லை. எப்படி இப்படிப்பட்ட ஒரு மேனியாக்கை கையாள்வது என்று தெரியவில்லை.

இதில் வேடிக்கை என்னவென்றால், இணையத்திலும் அதன் தொழில்நுட்ப விவரங்களிலும், இந்த முகமற்றவன் பயங்கர தேர்ச்சியுடையவனாக இருந்தான். உன்னைப் போல் ஒருவன் திரைப்படத்தில் வருவது போன்று, பல்வேறு நாடுகளின் ஐபி முகவரிகளில் இருந்து, இவன் பதில்களைப் போட்டு வந்தான். இவனை இந்த நாட்டில் இருப்பவன், இங்கிருந்து பதில் போடுகிறான் என்று சுட்டிக் காட்டுவது மிகவும் சிரமமாக இருந்தது.

ஆனால், அவனை விடத் திறமைசாலிகள் இல்லாமல் இல்லை. அவனை எப்படியும் பிடித்துவிடுவது என்ற வேகம் என் நண்பர்களிடையே தோன்றி, அவன் விட்டுச்சென்ற இணையத் தடங்களைக் கொண்டு, கடைசியாக அவனை மலேசியாவில் இருப்பவன் என்று கண்டுபிடித்தார்கள். பின்னர் அவன் பணியாற்றும் நிறுவனத்தையும், அவனையும் சேர்த்துக் கண்டுபிடித்தார்கள். எல்லாமே என் மூளைக்கு எட்டாத கம்பியூட்டர் சமாச்சாரம்.

சென்னை மாநகர போலீஸ் மூலம், அவனை மலேசியாவில் இருந்து இந்தியா வரவழைத்து, போலீஸ் ஸ்டேஷனில் நிற்கவைத்தபோதுதான், முதன் முறையாக அவன் முகத்தை நேருக்கு நேராகப் பார்த்தேன்.

அவனுக்கு எனக்கும் என்ன பகை? என்ன விரோதம்? ஒன்றுமே இல்லை. நான் என் கருத்துகளை எழுதிப் போகிறேன். அவன் அவனுடைய எண்ணங்களை. ஆனால், என் கருத்துகளும் சார்புகளும் பிடிக்கவில்லை என்பதற்காக, என்னை இத்தனை சித்ரவதை செய்யவேண்டுமா? பல நாள்கள் என் உறக்கத்தைக் கொடூரமாகக் கலைக்க வேண்டுமா? என் குடும்பத்தை, என் உறவினர்களையும் நண்பர்களையும் எல்லாம் இவ்வளவு கொச்சைப்படுத்த வேண்டுமா?

என் அனுபவத்தின் வயதுகூட அவனுக்கு இல்லை. மிஞ்சி மிஞ்சி போனால், 30, 35 இருக்குமா? இணையமும், தொழில்நுட்பமும் அறிவின் சாளரங்களாக இருக்கின்றன. ஆனால், உள்ளே இருக்கும் சாதி அழுக்கும் விரோதமும் வன்மமும் எங்கிருந்து வந்தன? தொழில்நுட்பமும் வளர்ச்சியும் நம் மனத்தை இன்னும் தூய்மைப்படுத்தவில்லையே?”

இப்போது இன்று வெளியான 20.12.2009 தேதியிட்ட கல்கியைப் பார்த்தால் அவர் எழுதியதும் முழுக்க வரவில்லை. அதே இடப்பிரச்சினைதான். இருப்பினும் பரவாயில்லை. ஒருமாதிரி நன்றாகவே வந்துள்ளது. ஆனால் இதனால் ஒரு தட்டையான தோற்றம் மட்டுமே வருகிறது என்பதையும் மறுக்கவியலாது. முழு பரிமாணங்களையும் அறிய பொறுமையாக எல்லா தரப்பினர் எழுதியதையும் படிக்க வேண்டியிருக்கும். போலி டோண்டு பற்றி நான் இட்ட பதிவுகள் பிரச்சினை வளர்ந்த பின்னணியை ஓரளவுக்கு காட்டுகின்றன.

இங்கு ஒரு சுவாரசியமான விஷயத்தைச் சொல்லியேயாக வேண்டும். நேசமுடன் வெங்கடேஷ் அவர்கள் இட்ட கமலுக்குப் பின் என்னும் பதிவு ஒன்றிலிருந்துதான் எனக்கும் போலி டோண்டுவுக்குமான சண்டையே ஆரம்பித்தது.

அன்புடன்,
டோண்டு ராகவன்

நங்கநல்லூர் பஞ்சாமிர்தம் - 11.12.2009

இவ்வளவுதான் உலகம்
உலகநாதன் அவர்களது இப்பதிவைப் பார்த்ததும் எனக்கு கீழே உள்ள கதைதான் நினைவுக்கு வந்தது.

ஒரு பிச்சைக்காரன் வீடுவீடாக பிச்சை எடுப்பவன். அவனை எல்லோருமே திட்டித்தான் அனுப்புவார்கள். ஒரே ஒரு வீட்டின் குடும்பத் தலைவி மட்டும் அவனுக்கு அன்புடன் பிச்சை போடுவாள். அவனும் அவளை வாழ்த்திவிட்டுத்தான் போவான்.

அன்றும் அதே மாதிரித்தான் நடந்தது. எல்லா வீடுகளிலும் அவனை அடிக்காத குறையாக விரட்டினார்கள். மனம் கோபத்தில் மூழ்க இந்தப் பெண்மணி வீட்டுக்கு வந்தான். அவர் வெளியில் வந்து பிச்சை போட சற்றே தாமதமாயிற்று. கோபத்துடன் அவன் கத்தினான், “போடாத மகராஜிகள்தான் இன்னிக்கும் போடல்ல. எப்பவும் போடற முண்டை உனக்கு என்ன லேட்டு” என்று கத்தினானாம்.

இப்போ என்ன அவனிடம் ரமணமகரிஷி மாதிரி அப்பெண்மணி நடந்து கொள்ளவேண்டும் என்கிறீர்களா?

தவற்றுக்கு மேல் தவறு செய்யும் ஈழப்போராளிகள்
ஏற்கனவேயே நான் இன்னொரு தருணத்தில் கூறியதுதான். பிரபாகரன் உயிருடன் இருப்பதாகச் செய்யும் அலம்பல்கள் இலங்கை அரசுக்குத்தான் சாதகமானதாக இருக்கப் போகிறது. அப்படியே அவர் உயிருடன் இருந்தாலும் அதைச் சொல்லாமால் மறைப்பதே சமயோசிதமான காரியமாகும். ஆனால் யார் அவர்களுக்கு இதையெல்லாம் சொல்வது?

ஈழத்தமிழர்களது போராட்டம் யூதர்களது ஜியோனிசப் போராட்டமாக சித்தரிக்கப்படுகிறது. ஆனால் ஈழத் தமிழர்கள் செய்யும் செய்கைகள் எல்லாமே பி.எல்.ஓவைத்தான் நினைவுபடுத்துகின்றன. ஜியோனிச கோட்பாட்டின்படி யூதர்கள் செயல்பட்டபோது மிகவும் அடக்கியே வாசித்தார்கள். அவர்கள் நிலங்கள் வாங்கியது எல்லாமே பரம ரகசியங்களாக வைக்கப்பட்டன. அதுதான் சரியான முறை. விரோதிக்கு நமது செயல்பாடுகள் துல்லியமாகத் தெரியக்கூடாது என்பது போர் யுக்தியின் முதல் பாடம். அதுவே சமீபத்தில் 1982-ல் லெபனானிலிருந்து பாலஸ்தீனியர்கள் வெளியேற்றப்படதற்கு முக்கியக் காரணமே அந்த நாட்டின் அரசை டம்மியாக்கியதுதான்.

மீனம்பாக்கம் குண்டுவெடிப்பு ஸ்ரீலங்காவில் நடந்திருக்க வேண்டியது. அது எதிர்பாராத விதமாக இந்தியாவிலேயே நடந்தது. அப்போதும் முடிந்தவரை குண்டு வைத்த ஈழப்போராளிகள் பலமுறை டெலிஃபோன் செய்து பாதுகாப்புப் படையினரை எச்சரித்தனர். நம்மூர் தயிர்வடை அதிகாரிகள்தான் அதை அலட்சியம் செய்தனர். ஆனால் அதுவே ஸ்ரீபெரும்புதூரில் ராஜீவை கொல்ல முயன்று பல அப்பாவிகளின் உயிர்களையும் மனசாட்சியேயில்லாது புலிகள் வேட்டையாடியதுதான் இந்திய மக்களுக்கு அவர்கள் மேல் வெறுப்பு வர முக்கியக் காரணமாக இருந்தது.

மொசாத்
இஸ்ரேலை பற்றி பேசும்போது மொசாத்தைக் குறிப்பிடாமல் இருக்க இயலாது. குமுதம் ரிப்போர்டரில் அவர்கள் பற்றிய தொடர் ஒன்று சுவாரசியமாகப் போகிறது. நீங்கள் எல்லோருமே பிபிசியின் எஸ் பிரைம் மினிஸ்டர் தொடருக்கான எபிசோடுகளை பார்த்திருப்பீர்கள். அதில் ஒன்றில் இங்கிலாந்துக்கான இஸ்ரவேல் தூதர் இங்கிலாந்து பிரதமருக்குக்கூட தெரியாத இங்கிலாந்தின் படை அணிவகுப்புகள் பற்றிக் கூறுவார். அவர் சொன்ன ஒரு தகவலை வைத்து பிரதம மந்திரி தலைமைச்செயலாள்ர் ஹம்ஃப்ரீயை டரியல் ஆக்குகிறார்.

இஸ்ரவேலருக்கு அதெல்லாம் எப்படித் தெரிந்ததாம்? எல்லாமே மொசாத்தின் கைங்கர்யமே.

சோவின் எங்கே பிராமணன்
தலைவர் சோ அவர்களது எங்கே பிராமணன் மீண்டும் வரும் 14-ஆம் தேதியன்று ஆரம்பிக்கிறது என்பதை அறிந்து மிக்க மகிழ்ச்சி அடைந்தேன் என்பதை சொல்லவும் வேண்டுமோ? முதல் எபிசோடுக்கு ரிவ்யூ முரளி மனோகர் தானே செய்ய வேண்டும் என பிடிவாதம் பிடிக்கிறான். பேசாமல் அத்தனை பதிவுகளையும் அவனே போட்டாலும் நன்றாகத்தானே இருக்கும்?

கல்கியின் இணைய சிறப்பிதழ்
அதை தயாரிக்கும் நேசமுடன் வெங்கடேஷ் என்னை அவ்விதழில் என் கட்டுரை வருவது பற்றி அடக்கி வாசிக்குமாறு கூறியதால் இதுவரை அமைதி காத்தேன். ஆனால் அவரே அதை ட்விட்டரில் தெரிவித்த நிலையில் நானும் அது பற்றி கோடி காட்டுவது தவறாக இருக்காது என நினைக்கிறேன்.

வரும் ஞாயிறன்று இதழ் கடைகளுக்கு வருகிறது. அதுவரைக்கும் நான் மேலே கூறியதுடன் நிறுத்திக் கொள்கிறேன்.

அன்புடன்,
டோண்டு ராகவன்

காதோடுதான் நான் பேசுவேன்

மொழிபெயர்ப்பு பலவகைப்படும்.

அவை எழுத்து மற்றும் பேச்சு மொழிபெயர்ப்பு ஆகும். பேச்சு மொழி பெயர்ப்பையும் இருவகையாக பிரிக்கலாம். ஆய்வரங்கங்களில் கட்டுரை சமர்ப்பிப்பவர்கள் ஒரு மொழியில் பேசப் பேச அதை அதே நேரத்தில் தனியாக கூண்டுகளில் அமர்ந்திருக்கும் மொழிபெயர்ப்பாளர்கள் ஒவ்வொருவரும் ஒவ்வொரு மொழியில் மாற்றுவார்கள். இதை simultaneous interpreting என்பார்கள். பார்வையாளர்களிலிருந்து யாரேனும் ஒருவர் தனது மொழியில் கேள்வி கேட்டால் அதை சம்ப்ந்தப்பட்ட மொழிபெயர்ப்பாளர் பேச்சாளரின் மொழிக்கு அதே நேரத்தில் மாற்றுவர்.

ரொம்பவும் கஷ்டமான வேலை. தாவு தீர்ந்து விடும். ஒரு மணி நேரத்துக்கு மேல் தொடர்ச்சியாக வேலை செய்யவியலாது. ஆகவே ஒவ்வொரு மொழிபெயர்ப்பாளருக்கும் குறைந்த படசம் ஒரு மாற்று மொழிபெயர்ப்பாளர் உண்டு. முறை வைத்து அவர்கள் வருவர்.

அதே சமயம் ஒரு பார்வையாளர் தனக்காக பிரத்தியேகமாக ஒரு மொழி பெயர்ப்பாளரை தன்னருகில் அமர செய்யலாம். அவர் இவருடைய காதில் ரகசியமாக மொழிபெயர்க்க வேண்டும், ஏனெனில் அருகில் இருக்கும் மற்ற பார்வையாளர்களுக்கு தொந்திரவு கூடாது என்பதால். இதை ஆங்கிலத்தில் whispered interpreting என்றும், பிரெஞ்சில் chuchotage என்றும் கூறுவார்கள். தமிழில்? காதோடு ரகசிய மொழிபெயர்ப்பு என்று கூறலாம். இப்பதிவின் தலைப்பு இப்போது புரியும் என நினைக்கிறேன்.

இப்போது ஏன் இதையெல்லாம் சொல்லறே என்று கேட்கும் முரளிமனோகருக்கும் அதே கேள்வியை வைத்திருக்கும் வாசகர்களுக்கும் இப்பதிவின் பின்புலனைக் கூறுகிறேன். இது பற்றி நான் எனது ஆங்கில வலைப்பூவில் ஏற்கனவேயே The present Miss France is future interpereter என்று பதிவு போட்டுள்ளேன். 


இப்போது அதன் தமிழ் மொழிபெயர்ப்பைத் தருகிறேன்.

நமது சக பிரெஞ்சு மொழிபெயர்ப்பாளர் லோறான் அவர்கள்தான் இந்த நல்ல செய்தியை கொண்டு வந்தது.

பிரெஞ்சு தெரிந்தவர்களுக்கென்ன, அங்கேயே போய் படித்துக் கொள்ளட்டும். ஆனால் நான் மற்றவர்களுக்காக அதை தமிழில் கீழே தருகிறேன். 

எல்லோரும் கேளுங்கப்பூ, ஒரு பிரத்தியேகத் தகவல் உங்களுக்காக! உங்கள் ஊழியன் லோறானாகிய நான் ஒரு சனிக்கிழமை மாலையையே இந்த கலாச்சார ஒளிபரப்புக்காக செலவழித்தேன் என்றால் மிகையாகாது. இப்போது முன்கூட்டியே ஒரு சூடான செய்தி. இப்போதுதான் மிஸ் ஃபிரான்ஸாக தெரிவு செய்யப்பட்டவர் ஒரு வருங்கால துபாஷியாம்!

சுடச்சுட செய்தி: மாலிகா மெனாற், நார்மண்டியைச் சேர்ந்த இப்பெண் (அவரை யாரும் நார்மண்டி பசுவுடன் ஒப்பிட மாட்டார்கள்) Miss France 2010 ஆக தெரிவு செய்யப்பட்டுள்ளார். அவருக்கு வயது 22. அவர் இப்போது Caen நகரில் licence course in Applied Foreign Languages (Licence L.E.A.), ஆங்கிலம்-இத்தாலிய மொழியில் மூன்றாம் ஆண்டு படிக்கிறாராம். (ம்ம், லோறானுக்கு அவனது சிறுவயது ஞாபகங்கள் வருகின்றன). அவரது நோக்கம் conference interpreter ஆக வருவதே.

அவரைப் போன்ற ஃபிகர், காதோடு பேசும் மொழிபெயர்ப்பை செய்தால் வாடிக்கையாளர்கள் வாணாம்னா சொல்லுவாங்க!

மீண்டும் டோண்டு ராகவன். திடீரென நார்மண்டி பசு பற்றி ஏன் பேச வேண்டும் என நீங்கள் குழம்பலாம். பிரெஞ்சு தெரியாதவர்களுக்கு அது ஒரு சிறு புதிரே. விஷயம் என்னவென்றால் இது பிரெஞ்சில் ஒரு அற்புதமான சொல் விளையாட்டு. பிரெஞ்சு மொழியில் அந்த வாக்கியத்தை முதலில் பார்ப்போம். 


"Malika Menard, une Normande qui n'a rien d'une vache, a été élue Miss France 2010". 


நானும் இந்த வாக்கியத்தை ஆங்கிலத்தில் மொழி பெயர்க்கும் போது சற்றே தடுமாறினேன். உடனே word reference forum-க்கு சென்று எனது சகமொழிபெயர்ப்பாளர்களிடம் இந்தக் கேள்வியை வைத்தேன். . 

அக்கேள்வியையும் அதற்கான பதில்களையும் இங்கே பார்க்கலாம். இங்குதான் நான் நார்மாண்ட் என்பது நார்மாண்டி பெண்ணையும், அதே பெயரில் உள்ள பசு இனத்தையும் குறிக்கும் என அறிந்து கொண்டேன்.

மொழிபெயர்ப்பில் பசுவை ஏன் இழுத்தேன் என்பது புரிந்திருக்கும் என நினைக்கிறேன். பிறகு சம்பந்தப்பட்ட பிரெஞ்சு வலைப்பதிவரது இடுகைக்கும் சென்று, அவரிடமும் இதை குறிப்பிட்டு அந்த மன்றத்தில் விளக்கம் அளிக்குமாறு கேட்டுக் கொண்டேன். அவரும் அவ்வாறே செய்தார். அவருக்கு என் நன்றி. அவர் கூறியது கீழே.

"அந்த பிரெஞ்சு பதிவை இட்டவன் நானே. பிறகு ராகவன் என்னைத் தொடர்பு கொண்டு இங்கு வருமாறு கேட்டுக் கொண்டார். அப்பெண்மணியை பரிகசிக்கும் எந்த எண்ணமும் எனக்கில்லை. அவர் நார்மாண்டியைச் சேர்ந்தவர் ஆனாலும் அவர் நார்மாண்டி பசு மாதிரி இல்லை என வேடிக்கையாக மட்டும் குறிப்பிட்டேன் அவ்வளவே (நண்பர் நிகோமோன் இதை நன்றாகப் புரிந்துக் கொண்டார்).

பை தி வே, எனது இந்த இடுகையில் ஒரு தகவல் பிழை வந்து விட்டது. துபாஷியாக வர ஆசைப்படுவது புதிய Miss France அல்ல. அவ்வாறு எண்ணுவது அழகிப் போட்டியில் ஆறவது இடத்தில் வந்த Miss Côte d'Azur (மிஸ் பிரெஞ்சு ரிவியரா).

ஓக்கே, ஓக்கே, மிஸ் பிரெஞ்சு ரிவியரா காதோடு பேசினால் மட்டும் வாடிக்கையாளர்களுக்கு கசக்குமா என்ன எனக் கேட்பது 63 வயது இளைஞன் டோண்டு ராகவன். :)))

Regards,

N. Raghavan