ஒட்டகத்துக்கு நடந்தது என்ன? - ஒரு நீதிக்கதை

அரேபியாவில் ஒட்டகங்கள் அதிகம். அவ்வூரின் சீதோஷ்ண நிலை அப்படி. ஆனால் அது பற்றி இப்பதிவு இல்லை.

அந்த ஒட்டகங்களில் ஒன்றின் மேல் பாரம் ஏற்றிக் கொண்டிருந்தார்கள். இன்னும் கொஞ்சம், இன்னும் கொஞ்சம் என்று கூறிக் கொண்டே அதை செய்த வண்ணமே இருந்தார்கள். ஒட்டகத்தின் தாங்கும் சக்தியின் எல்லையும் கடந்து விட்டது. பிறகும் அது சிரமப்பட்டு நிலையாக நின்றது. கடைசியில் ஒட்டக முதலாளியின் சின்னப்பெண் ஒரே ஒரு துரும்பை அதன் மீது ஏற்றினாள். அது பொதேரென கீழே வீழ்ந்தது. விழும்போது அப்பெண்ணையும் பலமாகக் கடித்தது

ஒட்டகத்துக்கு வேண்டாதவர்கள் கூறினார்கள், போயும் போயும் இந்தத் துரும்பைக்கூடவா தாள முடியாது, ரொம்ப பலவீனமான ஒட்டகம் போலிருக்கு என்றனர். பாவம் அந்தப் பெண் என்றும் கூறினர். அவர்களுக்கு தெரிந்தது துரும்பு மட்டுமே.

Any resemblance to the things that happened here between certain Tamil bloggers is purely intentional.

கிட்டத்தட்ட ஓராண்டாக ஒரு பதிவரை இம்மாதிரி தேவையில்லாமல் நையாண்டி எல்லாம் செய்து வந்திருக்கிறார்கள். அப்படியாவது நையாண்டி செய்யப்பட்டவர் செய்தவர்களுக்கு நெருங்கிய நண்பரா? அப்படி ஏதும் இருப்பதாகத் தெரியவில்லையே. அப்படியிருக்க ஏன் இந்த நையாண்டியெல்லாம்? இது என்ன ஒரு மச்சினி அக்கா புருஷனை கிண்டல் செய்யற மாதிரின்னு நினைச்சிருப்பாங்களோ?

நேற்று இது சம்பந்தமாக ஒரு பதிவரிடம் தொலை பேசினேன். அவரிடமும் இதையே கூறினேன். கிண்டல் செய்ய ஒரு பாந்தமான மனநிலை இரு தரப்பினருக்குமே இருக்க வேண்டும். அவ்வாறு இல்லாத பட்சத்தில் இந்த சீண்டல்கள் எல்லாம் uncalled for.

ஆதிமூல கிருஷ்ணன் நர்சிமை பேட்டி எடுத்த பதிவை பார்த்தேன். அதில் நர்சிம் அடக்கமாகவே தன் பதில்களை தந்திருக்கிறார். அவ்வப்போது சுய எள்ளலையும் செய்து கொள்கிறார். ஆனால் அதை கிண்டல் அடித்து விஜி எழுதிய பதிவைப் பற்றி என்ன சொல்ல? Vicious, vitriolic. வேறு வார்த்தைகள் கிடைக்கவில்லை. அவதூறாக பல விஷயங்களை எழுதி அதையெல்லாம் கிண்டல் எனக்கூறிக்கொள்ள அவர் என்ன பாதிக்கப்பட்டவரின் மச்சினியா, நெருங்கிய தோழியா? என்ன அடிப்படையில் இந்தத் தாக்குதல்? ஆனால் இம்மாதிரியாக நர்சிமை தாக்கி வரும் பதிவுகள் இதற்கு முன்னமேயே வந்துள்ளன எனவும் கூறப்படுகிறது.

ஒட்டகம் எவ்வளவுதான் பொறுத்துக் கொள்ளும்? என்ன வெறுமனே கீழே விழவில்லை கடைசியாக துரும்பை ஏற்றியவரையும் பலமாகத் தாக்கி விட்டது.

இப்போது பலமாகத் தாக்கியதை மட்டும் வைத்துக் கொண்டு எல்லோரும் குதிக்கிறார்கள்.

நெருங்கிய நண்பர்களுக்கிடையே கூட பலமுறை கேலிகள் நையாண்டிகள் கொலையில் முடிந்திருக்கின்றன.

அப்படியிருக்க இங்கே என்ன நட்பா பாழாய் போகிறது?

ஒட்டகத்துக்கு ஒரு வார்த்தை. பொறுமைக்கும் ஓர் எல்லை உண்டு. ஆகவே அவ்வப்போது பதிலடி கொடுத்து விடுவதே நல்லது.

அன்புடன்,
டோண்டு ராகவன்