குதிரை கீழே தள்ளியதுடன் குழியும் பறித்த கதை

ராமசந்திரன் உஷா அவர்கள் எழுதிய கதை தன் கதைக்கருவை தழுவி எழுதப்பட்டது என்றும், அதன் மூலம் ராமச்சந்திரன் உஷா சில நூறு ரூபாய்கள் சம்பாதித்துள்ளார் போகட்டும் என பெரியதனமாக அக்கதாசிரியருடன் பேசிக் கொண்ட சேட்டை அடிப்படையாக வைத்து ஒரு பெண்மணி பதிவிட்டிருந்தார். அதைக்கண்டு திகைப்படைந்த உஷா அவர்கள் ஒரு பதிவு போட்டார்.

சம்பந்தப்பட்ட இருகதைகளையும் நான் பார்த்தேன். துளிக்கூட ஒற்றுமை கிடையாது. இது என்ன கூத்து எனக் கேட்டால் இரு கதைகளுமே சொந்த உழைப்பால் முன்னுக்கு வந்தவரின் கதை என்று காமெடி செய்கிறார். என்னவோ அந்த கதைக்கரு இவரது ஏகபோக அகில உலக காப்புரிமை பெற்றது போல. அதை வைத்து கொண்டு எப்படி ராமச்சந்திரன் உஷா கதையை காப்பி அடித்து சில நூறு ரூபாய்கள் பெற்று கொண்டார் என்று கூறலாம் என்பதற்கு இடிபோன்ற மௌனமே பதில். உஷாவின் சிறுகதை பதிவில் அப்போதே தான் பின்னூட்டம் இட்டதாகவும் அதை உஷா மறந்ததால்தான் இத்தனை கலாட்டா என்று வேறு பழியை அவர்மீதே திருப்புகிறார். அதற்காகத்தான் இத்தலைப்பு.

பிறகு மன்னிப்பு பதிவுகள் என்னும் கூத்து ஆரம்பம். Adding insult to injury என்று ஆங்கிலத்தில் கூறியதற்கு சம்பந்தப்பட்ட இரு பதிவர்களுமே ராமசந்திரன் உஷா விஷயத்தில் அடித்த கூத்து சரியான உதாரணம். இந்த அழகில் தான் ஆங்கிலத்தில் கூறியதை சரியாக புரிந்து கொள்ளவில்லை என மிழற்றுகிறார் ஒருவர். இனிமேலும் யாராவது அவர் பதிவில் கமெண்ட் இட்டால்: Official warning - I would consider anyone posting comments again on this topic, a closed matter now, as trespassing under US law.

ஆங்கிலம்தான் தகராறு என நினைத்தேன், சைபர் சட்டம் கூடவா? அது என்ன கமெண்ட் போட்டாலே சைபர் சட்டம் பாய்ந்துவிடுமாமா?

சரி, முயற்சி செய்யுங்கள். ஆல் தி பெஸ்ட்.

அன்புடன்,
டோண்டு ராகவன்