சங்கரராமன் கொலை விஷயம் - மதிமாறன் அவர்களுக்கு ஒரு கேள்வி

இது சம்பந்தமாக மதிமாறன் அவர்கள் இட்ட இப்பதிவை முதலில் பார்ப்போம்.

வர்க்கப் பாசம், ஜாதி பாசத்தைவிட பெரிதா?-ஜாதி பாசம், வர்க்கப் பாசத்தைவிட பெரிதா?
-க. தமிழரசன்

தன் சொந்த ஜாதிக்குள் உள்ள பணக்காரருக்கும் ஏழைக்கும் பிரச்சினை வரும்போது, ஜாதி பாசத்தை வர்க்க பாசம் மிஞ்சிவிடுகிறது. சரவணா ஸ்டோரில் வேலை பார்க்கும் நாடார் தொழிலாளிக்கு நாடார் முதலாளியால் பிரச்சினை வரும்போது ஜாதி சங்கம் முதலாளிக்குத்தான் சார்பாக நடந்து கொள்ளும்.

ஜெயேந்திரன் என்கிற பணக்காரன், ஏழையான சங்கரராமன் என்கிற பார்ப்பனரை கொலை செய்தபோது, பிராமணர் சங்கம் ஜெயேந்திரனுக்குதான் துணை நின்றது. சங்கரராமன் குடும்பத்தின் மீது பார்ப்பனர்கள் வெறுப்படைந்தனர். ஜாதி பாசத்தை வர்க்கப் பாசம் வென்றது.

ஒரு வேளை இப்படி இருந்திருந்தால்…. சங்கரராமன் என்கிற பார்ப்பனரை கொலை செய்தது, ஜெயேந்திரனுக்கு பதில் பங்காரு அடிகள் என்று வைததுக் கொள்ளுங்கள்… இந்நேரம் பங்காரை தூக்கில் ஏற்றி இருப்பார்கள் பார்ப்பனர்கள். வர்க்கம், ஜாதி மாறி இருக்கும்போது….. வர்க்க பாசத்தை ஜாதி பாசம் வெல்லும்.

தனிமனிதர்களை கடவுளாக வழபடுகிற வழக்கம் உள்ள பார்ப்பனர்கள், பங்காரு போன்றவர்களை கடவுளாக அல்ல சாமியாராகவே ஒத்துக் கொள்வதில்லை. பங்காரு போன்ற ‘தெய்வங்களிடம்’ ரொம்ப தெளிவாக பகுத்தறிவாளனைப் போல் நடந்து கொள்வார்கள். ஆனால் ஜெயேந்திரனிடம்….?

கொலை பண்ணினாலும் நம்பளவா நம்பளவாதான்.

சட்டம், கடமை, ஒழக்கம், நீதி, நேர்மை, ஜனநாயகம், தரம், தகுதி என்று தங்களின் ஆயுதங்களுக்கு பல புனைப் பெயர்கள் வைத்திருக்கிறார்கள் பார்ப்பனர்கள். பொதுவான பார்ப்பன நலன் பாதிக்கப்படும்போது இவைகளை ஒவ்வொன்றாக எடுத்து நாகாஸ்திரமாக வீசுவார்கள். அப்போது பாதிக்கப்பட்டவர்களை காப்பாற்ற, எந்த கிருஷ்ண பரமாத்மாவும் வந்து, தன் காலால் தேர் சக்கரத்தை அழுத்த மாட்டான்.

குறிப்பு:
ஈழத் தமிழர்களுக்கு ஆதரவாக உணர்வாளர்கள் பொங்கி எழுந்தபோது…. ‘விடுதலைப் புலி ஆதரவாளர்கள்’ என்று கட்டம் கட்டி ஜெயிலுக்கு அனுப்பிய பார்ப்பன பத்தரிகைகள், இப்போது ஜெயலலிதாவின் ஈழ ஆதரவு அறிக்கைக்கு பிறகு அடக்கி வாசிக்கிறார்கள் பாருங்கள்….. அதுதான் பார்ப்பன பாசம்.

அதுபோல், ஈழத்தில் தமிழர்கள் கொல்லப்படுவதைப் பார்த்து வராத கோபம்…. இப்போது இந்த பதிலை பார்த்தவுடன் பொங்கி எழுவார்கள் பாருங்கள்… அதுதான் ‘பிராமின்ஸ் ஒன்லி’. அதுவேதான் ஜாதி பாசம்.

இப்போது டோண்டு ராகவன். சங்கராச்சாரியார் பார்ப்பனரே, சங்கரரமனும் பார்ப்பனரே, சரிதான். ஆனால் முன்னவரை கைது செய்த ஜெயலலிதா யார்? சௌகரியமாக மறந்து விட்டார் கட்டுரை ஆசிரியர். அதெல்லாம் இருக்கட்டும், நான் அப்பதிவில் நேற்று இட்ட இந்த பின்னூட்டம் இது வரை மட்டுறுத்தப்படவில்லை, அதையும் பார்த்து விடுவோமே:

டோண்டு ராகவன் (05:12:24) : உங்கள் கருத்து மட்டுறுத்தலுக்காகக் காத்திருக்கிறது.
கீழ்வெண்மணியில் தலித்து விவசாயக் கூலிகளை பண்ணையார் கோபாலகிருஷ்ண நாயுடு எரித்து கொன்றபோது, அந்த நிகழ்ச்சி வெறும் கூலித்தகராறு எனவும், கம்யூனிஸ்டுகள் துர்போதனையால்தான் இவ்வாறு அமைந்து விட்டது என சவசவ அறிக்கை விட்ட கன்னட பலீஜா நாயுடு பிரிவைச் சேர்ந்த ஈ.வே. ராமசாமி நாயக்கருக்கும் அதே ஜாதி பாசம்தானே இருந்தது?

நான் கேட்கிறேன், தலித்துகளை எரித்த அப்பண்ணையார் பார்ப்பனாயிருந்தாலும் பெரியார் அதே சவசவ அறிக்கையைத்தான் விட்டிருப்பாரா?

இதுவரை எனது பின்னூட்டத்தை மட்டுறுத்தாத பதிவர் உண்மையிலேயே பெரியாரியவாதிதான், பேஷ். எப்படி என்கிறீர்களா? பகுத்தறிவு பகலவன் என அழைக்கப்பட்ட பெரியார் அவர்களே தனது சீடர்கள் தான் சொன்னதை அப்படியே கேட்டு நடந்து கொள்ள வேண்டும் என்று சொன்னவர்தானே.

அது பற்றி மேலே அறிய நான் இட்ட நன்றி தமிழ் ஓவியா மற்றும் விடுதலை! என்னும் பதிவை பார்க்கவும்.

இல்லாவிட்டால், மதிமாறன் அவர்களது பதிவில் பெரியார் அவர்களின் ஜாதிப் பாசம் பற்றி நான் இட்டிருந்த இப்பின்னூட்டம் இதுவரை மட்டுறுத்தப்படாமல் இருக்கும் காரணம் வேறு என்னவாக இருக்கும்?


அன்புடன்,
டோண்டு ராகவ்ன்